2 SAMUEL 22:3 - Edisana ñwed Abasi Ibom

³ Abasi akwa itiat mi; nyebuɔt idem mi ye enye: otu-ekɔŋ mi, ye nduk erinyaŋa mi, edikoŋ tower mi, ye ebiet ubɔhɔ mi, andiyaŋa mi; afo anyaŋa mi osio ke nnama.

2 SAMUEL 22:3 Referans Kwoze

ŊWED MME PSALM 9:9

Ndien Jehovah eyedi ebiet ubɔhɔ mmɔ eke owo etukde, ebiet ubɔhɔ ke ini nnaneyin.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

MME ŊKE 30:5

Kpukpru se Abasi ɔdɔhɔde edi edisana: enye edi otu-ekɔŋ mmɔ eke ebuɔtde idem ye enye.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

MME HEBREW 2:13

Enye onyuŋ ɔdɔhɔ ete, Nyebuɔt idem ye Enye. Onyuŋ ɔdɔhɔ ete, Sese, Ami ye nditɔ emi Abasi ɔkɔnɔde Mi.

LUKE 1:69

Onyuŋ anam nduk erinyaŋa otibe ɔnɔ nnyin Ke ufɔk owo Esie David,

ŊWED MME PSALM 144:2

Ima mi ye ɔkpɔsɔŋ ubɔhɔ mi; edikoŋ ufɔk mi emi anamde mi mbɔhɔ; otu-ekɔŋ mi, emi nnyuŋ mmbuɔtde idem mi ye enye; emi anamde ikɔt mi esuk ibuot enɔ mi.

ŊWED MME PSALM 59:16

Ndien ami nyekwɔ odudu fo; nnyuŋ ntoro ima fo ke usenubɔk: koro afo ekedide edikoŋ ebiet mi, ye ebiet ubɔhɔ mi ke usen nnanenyin mi.

ŊWED MME PSALM 14:6

Mbufo eyesin uduak eyen ukut ke ndek, koro Jehovah edide ebiet ubɔhɔ esie.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

ŊWED MME PSALM 140:4

O Jehovah, nim mi mbak ubɔk idiɔk owo; kpeme mi mbak mbon afai, emi eduakde ndinuk ikpat mi efebede.

ŊWED MME PSALM 55:9

O Ɔbɔŋ, sosobo, bahare edeme mmɔ, koro ŋkutde afai ye utɔk ke obio.

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

LUKE 1:71

Ndinyaŋa nnyin nsio ke ubɔk mme asua nnyin, ye ke ubɔk kpukpru mmɔ emi esuade nnyin:

ŊWED MME PSALM 140:11

Owo inua idisɔŋɔke ida ke isɔŋ: owo afai eyekut idiɔk; eyebine enye osobo.

ŊWED MME PSALM 140:1

O JEHOVAH, nyaŋa mi sio idiɔk owo ke ubɔk: kpeme mi mbak mbon afai;

ŊWED MME PSALM 86:14

O Abasi, mbon iseri edaha ke enyɔŋ enam ikɔ ye ami; esop mbon ŋkanubɔk ke eyom ukpɔŋ mi, inyuŋ inimke fi ke iso idem-mmɔ.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

ŊWED MME PSALM 84:9

O Abasi otu-ekɔŋ nnyin, se tiŋ enyiŋ ke iso Messeiah fo.

ŊWED MME PSALM 72:14

Enye eyefak ukpɔŋ mi osio ke ukut ye nnama: onyuŋ ese iyip mmɔ ke ŋkpɔ-uto.

ŊWED MME PSALM 71:7

Mmetie nte ŋkpɔ eke ediwak owo eyikde: edi afo edi ɔkpɔsɔŋ ebiet ubɔhɔ mi.

ŊWED MME PSALM 61:3

Koro afo ekedide ebiet ubɔhɔ mi, ye ɔkpɔsɔŋ tower eke ndade mbɔhɔ mme asua.

ŊWED MME PSALM 46:1

ABASI edi ebiet-ubɔhɔ nnyin ye odudu nnyin, Enye edi andinyaŋa eke ekperede nnyin eti-eti ke nnanenyin.

ŊWED MME PSALM 28:7

Jehovah edi odudu mi, ye otu-ekɔŋ mi; esit mi ebere enye, ndien enye eyenyaŋa mi: esit mi onyuŋ adara; ndien nyeda ikwɔ mi ntoro enye.

ŊWED MME PSALM 27:5

Koro enye eyefuk mi ke ataya esie ke usen idiɔk: eyedip mi ke ndibe ebiet iduŋ esie; onyuŋ emenere mi odori ke ebiet akwa itiat.

ŊWED MME PSALM 5:12

Koro afo, Jehovah, eyediɔŋ owo edinen ido; eyeda mfɔnido nte otu-ekɔŋ akan enye okuk.

ŊWED MME PSALM 3:3

Ndien afo, Jehovah, edi otuekɔŋ eke akande mi okuk; ubɔŋ mi, ye andimenere ibuot mi ke enyɔŋ.

2 SAMUEL 22:51

Ɔkpɔsɔŋ ufɔk erinyaŋa edidem esie, emi ɔfɔnde mfɔn ye owo esie emi eyerede aran, kpa David ye ubon esie ke nsinsi-nsinsi.

2 SAMUEL 22:49

Onyuŋ osio mi ke ubɔk mme asua mi: onyuŋ ofori mi akan mmɔ emi edahade ke enyɔŋ eyom mi ikɔ; afo anyaŋa mi osio mbon afai ke ubɔk.

1 SAMUEL 2:1

NDIEN Hannah ɔbɔŋ akam, ete, Esit mi ke adara Jehovah; nduk mi okoŋ ke Jehovah; inua mi atara akan mme asua mi; koro edinyaŋa fo adatde mi esit.

DEUTERONOMY 32:37

Ndien enye eyedɔhɔ ete, Mme abasi mmɔ edu mmɔŋ, kpa itiat emi mmɔ ekebuɔtde idem mmɔ ke esit:

TITUS 3:6

onyuŋ anam nnyin iwɔrɔ idi obufa ke odudu Edisana Spirit, emi Enye ama aŋwaŋa ɔnɔ nnyin uwak-uwak ke Jesus Christ Andinyaŋa nnyin;

TITUS 3:4

Edi ke ini mfɔnido Abasi Andinyaŋa nnyin ama ɔbiɔŋɔre, ye ima emi Enye amade nnyin,

LUKE 1:47

Spirit mi omonyuŋ adara ke Abasi Andinyaŋa mi.

JEREMIAH 16:9

koro ntem ke Jehovah mme udim Abasi Israel ɔdɔhɔ, ete, Sese, ami nyenam uyo idara, ye uyo mbre, uyo ɔdɔ-ŋwan, ye uyo ŋwan ndɔ, odop ke ebiet emi, ke enyin mbufo ye ke eyo mbufo.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

ŊWED MME PSALM 32:7

Afo edi ebiet udibe mi; eyekpeme mi abak nnanenyin: eyeda ikwɔ ubɔhɔ akan mi okuk. Selah.

ŊWED MME PSALM 142:4

Kabare ke nnasia, nyuŋ se, ndien baba owo kiet eke ɔdiɔŋɔde mi iduhe; ubɔhɔ mi amatak; baba owo kiet eke ekerede ukpɔŋ mi iduhe.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.

2 SAMUEL 22:31

Abasi! usuŋ esie ɔfɔn ama: ema edomo uyo Jehovah; enye edi otu - ekɔŋ kpukpru mmɔ eke ebuɔtde idem mmɔ ye enye.

2 SAMUEL 22:47

Jehovah odudu uwem; yak enyuŋ ekɔm akwa itiat mi; enyuŋ etoro Abasi itiat erinyaŋa mi.

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

EXODUS 15:2

Jehovah edi odudu mi ye ikwɔ, omonyuŋ edi erinyaŋa mi: enye edi Abasi mi, ndien nyekpono enye; Abasi ete mi, ndien nyetoro enye.

ŊWED MME PSALM 9:10

Ndien mmɔ eke efiɔkde enyiŋ fo eyebuɔt idem mmɔ ye afo; koro afo, Jehovah, mukpɔŋke mmɔ eke eyomde fi.

ŊWED MME PSALM 46:2

Mmɔdo nnyin mididikheke, isɔŋ ɔkpɔkpuhɔre, ikpɔ obot ekpenyuŋ esehere esine ke esit inyaŋ.