2 SAMUEL 2:6 - Edisana ñwed Abasi Ibom

⁶ Ndien yak Jehovah osuk anam ufɔn ye akpanikɔ ɔnɔ mbufo ŋko: ami ŋko nyesio mbufo usiene ufɔn emi, koro mbufo ekenamde ŋkpɔ emi.

2 SAMUEL 2:6 Referans Kwoze

MME ŊKE 14:22

Nte mmɔ eke ekerede ukwaŋ-ŋkpɔ iwahake ikpɔŋ usuŋ? Edi mmɔ eke ekerede eti ŋkpɔ edi mbon mfɔnido ye eke akpanikɔ.

EXODUS 34:6

Ndien Jehovah ɔbiɔŋɔ enye ke iso, ataŋa ete, Jehovah, Jehovah, Abasi mbɔm, ye mfɔn, ye anyan ime,

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

MATTHEW 5:7

Ɔfɔfɔn ɔnɔ mmɔ eke etuade owo mbɔm: koro eyetua mmɔ mbɔm.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

ŊWED MME PSALM 57:3

Enye etie ke enyɔŋ ɔdɔŋ edinyaŋa mi; eduari owo eke oyomde ndimen mi. [Selah.] Abasi eyedɔŋ ima esie ye akpanikɔ esie utom.

2 SAMUEL 15:20

Afo ekedi mkpɔŋ; nte ɔfɔn mi ndiyak fi asaŋa ediyo ye nnyin mfin? Ndien ami ŋka ke ebiet eke ŋkade; fiak, nyuŋ da nditɔ-usɔ fiak ŋko: yak ima ye akpanikɔ esuk edu ye afo.

2 SAMUEL 10:2

Ndien David ɔdɔhɔ ete, Nyenam mfɔn-ido ye Hanun eyen Nahash, kpa nte ete esie akanamde mfɔn-ido ye ami. Ndien David ɔdɔŋ ikɔt esie, ete eka ekedɔŋ enye esit ebaŋa ete esie.

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

2 SAMUEL 9:3

Ndien edidem obup ete, Nte eyen ufɔk Saul iduhe aba, man mfɔn mfɔn-ido Abasi ye enye? Ndien Ziba ɔdɔhɔ edidem, ete, Eyen Jonathan kiet ke odudu kaŋa emi ukot ɔbuŋɔde enye.

2 SAMUEL 2:7

Mbufo esɔŋɔ ubɔk, ndien, enyuŋ edi mbon uko: koro ete mbufo Saul amakpa, ufɔk Judah ŋko ema enyuŋ eyet mi aran enim ke edidem mmɔ.

JOSHUA 2:14

Ndien mbon oro edɔhɔ enye, ete, Uwem nnyin etie ke ibuot mbufo ke idem mkpa, edieke mbufo midiyarakede ŋkpɔ nnyin emi. Ndien ama ekem, adaŋemi Jehovah edinɔde nnyin isɔŋ emi, nnyin iyefɔn fi mfɔn ye akpanikɔ.

RUTH 1:8

Ndien Naomi ɔdɔhɔ iban nditɔ esie mbiba, ete, Mbufo ekam enyɔŋɔ eka ke ufɔk eka mbufo: Jehovah akam onyuŋ anam se ifɔnde ye mbufo, kpasuk nte mbufo ekenamde ye mme andikpa mkpa ye ami ŋko: