2 SAMUEL 16:1 - Edisana ñwed Abasi Ibom

¹ ADAŊEMI David ama ekebe ibuot obot esisit, sese, Ziba owo Mephiboshet edisobo ye enye, asaŋa ye ass iba emi ebɔpde ŋkpɔ-udori, emi enyuŋ ebiomde uyo ikie iba, ye ebok edisat grape ikie, ye ebok fig ikie, ye wine ke ikpa.

2 SAMUEL 16:1 Referans Kwoze

1 SAMUEL 25:18

Ndien Abigail awara ada uyo ikie iba, ye ikpa wine iba, ye erɔŋ emi etemde ition, ye edifɔp ibokpot ke idomo ition, ye ebok edisat grape ikie, ye ebok fig ikie iba, ada mmɔ odori ass ke idem.

2 SAMUEL 15:32

Ekem adaŋemi David osimde ke ibuot obot, emi enye atuakde ibuot do ɔnɔ Abasi, sese, Hushai Archite edisobo ye enye, edisine-ŋkpɔ esie ewaha, ntan onyuŋ odoro enye ke ibuot.

AMOS 8:1

NTEM ke Ɔbɔŋ Jehovah owut mi ŋkpɔ, ndien, sese, edidat mfri ke akpan.

JEREMIAH 40:12

ndien kpukpru mme Jew eto ke kpukpru mme ebiet eke ekebinde mmɔ esin do, enyɔŋ edi ke isɔŋ Judah, etiene Gedaliah ke Mizpah, enyuŋ etaŋ ata ediwak wine ye mfri eto nda-eyo.

JEREMIAH 40:10

Ndien ama edi ami, sese, ami nduŋ ke Mizpah, man ndiɔŋ mme Chaldean eke edisimde nnyin itie; edi mbufo etaŋ wine ye mfri eto nda-eyo ye aran, esin ke ŋkpɔ mbufo, enyuŋ eduŋ ke mme obio mbufo emi mbufo edade.

1 CHRONICLES 12:40

Ndien ŋko mmɔ eke ekperede mmɔ, tutu osim ke Issachar, ye Zebulun ye Naphtali, eda uyo, ye udia, ye ndom-uyo, ye ebok fig, ye edisat grape, ye wine, ye aran, edori ke edem ass, ye camel, ye mule, ye enaŋ, eda edi, enyuŋ eda enaŋ ye ediwak ŋkpri ufene edi: koro idaresit odude ke Israel.

2 SAMUEL 19:32

Barzillai onyuŋ edi ata akani owo, osim isua anaŋ: enye okoyuŋ ɔbɔk edidem ke adaŋoro enye etiede ke Mahanaim; koro enye edide ata akamba owo.

2 SAMUEL 15:30

Ekem David ɔdɔk ke obot Olive, ɔdɔk, atuak eyet, onyuŋ ɔfuhɔ ŋkpɔ ke ibuot esie, onyuŋ asaŋa ɔfiɔn ikpat; ndien kpukpru owo eke edude ye enye enyuŋ efuhɔ ibuot mmɔ; mmɔ enyuŋ edɔk, etua eyet ŋko.

1 SAMUEL 16:20

Ndien Jesse ada ass, ye uyo, ye wine ke ikpa, ye eyen ebot kiet, esin David eyen esie ke ubɔk, ete ada ɔsɔk Saul.

1 SAMUEL 10:3

Ndien adaŋemi afo otode do ebe aka okosim ofriyo Tabor, owo ita eyebiɔŋɔre fi do, edɔk ke ɔtɔ Abasi ke Bethel, kiet obiom nditɔ ebot ita, kiet eken onyuŋ obiom uyo ita, kiet eken onyuŋ obiom wine ke ikpa:

MICAH 7:1

ƆDƆDIƆK ye ami! koro ntiede nte etetde ndat-ndat mfri: mbiet ŋkeŋe-ŋkeŋe mfri vine: baba etuek kiet eke owo adiade iduhe: baba akpa ndat fig eke ɔdɔŋde mi ukpɔŋ.

MME ŊKE 18:16

Enɔ owo ɔnɔ owo ufaŋ, onyuŋ ada owo edi ke iso ikpɔ owo.

2 SAMUEL 19:17

Tɔsin owo eke etode ke Benjamin enyuŋ esaŋa ye enye, ye Ziba owo ufɔk Saul, ye nditɔ-iren esie efut, ye ikɔt esie edip ŋko: mmɔ enyuŋ ebem edidem iso ebe Jordan.