2 SAMUEL 14:2 - Edisana ñwed Abasi Ibom

² Ndien Joab ɔdɔŋ eka ke Tekoa, ekeda ɔfiɔkŋkpɔ ŋwan do edi, onyuŋ ɔdɔhɔ enye, ete, Mbɔk nim idemfo nte ŋwan eke etiede ikpo, nyuŋ sine ɔfɔŋ-idem ikpo, kunyuŋ uyere aran, edi nim idemfo nte ŋwan eke etiede ikpo anyan ini abaŋa akpa mkpa:

2 SAMUEL 14:2 Referans Kwoze

2 CHRONICLES 11:6

Ntre ke enye ɔdiɔŋ Beth-lehem, ye Etam, ye Tekoa,

AMOS 1:1

IKƆ Amos emi okodude ke otu mme ekpemerɔŋ Tekoa, emi enye okokutde abaŋa Israel, ke eyo Uzziah edidem Judah, ye ke eyo Jeroboam eyen Joash, edidem Israel, ebem unyek-isɔŋ isua iba.

RUTH 3:3

Yere mmɔŋ, ndien, nyuŋ da edifuɔŋ aran diɔŋ idem, nyuŋ sine edisine-ŋkpɔ fo, nyuŋ suhɔre ka ke ebiet-ubek: kuyak enye ɔdiɔŋɔ fi, tutu enye adia ŋkpɔ, onyuŋ ɔŋwɔŋ ama.

JEREMIAH 6:1

MBUFO nditɔ Benjamin ewɔŋɔ ke ufɔt Jerusalem efeŋe, enyuŋ efuri ukorowo ke Tekoa, enyuŋ emenere ŋkpɔ idiɔŋɔ ke enyɔŋ ke Beth-haccherem: koro idiɔk-ŋkpɔ ye akwa ŋwure etiede ke edem edere ese.

NEHEMIAH 3:5

Mbio-obio Tekoa enyuŋ ediɔŋ ediana mmɔ; edi mbɔŋ mmɔ isinke itɔŋ mmɔ ke utom ɔbɔŋ mmɔ.

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

2 SAMUEL 12:20

Ndien David adaha ke isɔŋ, eyere mmɔŋ, ada aran eyet ke idem, onyuŋ ɔkpuhɔ edisine-ŋkpɔ esie, ndien oduk ke ufɔk Jehovah, akatuak ibuot: ndien aka ke ufɔk esie, ɔkɔdɔhɔ ete enim udia enɔ imɔ; ndien enye adia.

MATTHEW 6:17

Edi ama edi afo, ke ini etrede udia, da aran yet ke ibuot, nyuŋ yet iso:

ECCLESIASTES 9:8

Yak edisine-ŋkpɔ fo edi edisana kpukpru ini; kunyuŋ uyak ibuot fo anana aran.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

NEHEMIAH 3:27

Ndien mbio-obio Tekoa ediana enye ediɔŋ ubak efen, ekem ye akwa tower emi ɔwɔrɔde ada, tutu osim ke ibibene Ophel.

2 SAMUEL 11:26

Ekem adaŋemi ŋwan Uriah okopde ete ke Uriah ebe imɔ amakpa, enye atua ebe esie.

2 SAMUEL 20:16

Ndien enyene-ibuot aŋwan kiet ke obio ofiori okot, ete, Mbufo ekop, ekop; mbɔk, edɔhɔ Joab, ete, Yak enye asaŋa ekpere mi, man ndɔhɔ ikɔ ye afo.

2 SAMUEL 23:26

Helez Paltite, Ira eyen Ikkesh Tekoite;

1 NDIDEM 14:2

Mbɔk, daha ke enyɔŋ, foro owo efen, man ekufiɔk ete ke afo edi ŋwan Jeroboam: ndien ka ke Shiloh: sese, Ahijah prophet oro ɔkɔdɔhɔde abaŋa mi ete ke ami ndida ubɔŋ obio emi, odu do.

1 NDIDEM 14:5

Ndien Jehovah ɔdɔhɔ Ahijah, ete, Sese, ŋwan Jeroboam ke edi ndibup fi ŋkpɔ, mbaŋa eyen esiemɔ: koro eyen ɔdɔŋɔde dɔhɔ enye ntem ye ntem ndien ama ekem adaŋemi enye edidide, enye eyenim idem nte owo efen.

GENESIS 38:19

ŋwan oyomo ɔnɔ enye. Ndien, enye adaha ke enyɔŋ, aka okosio ufuk-ŋkpɔ efep, onyuŋ esine edisine-ŋkpɔ ebekpa esie.