2 SAMUEL 14:1 - Edisana ñwed Abasi Ibom

¹ EKEM Joab eyen Zeruiah ɔfiɔk ete ke esit edidem asua Absalom.

2 SAMUEL 14:1 Referans Kwoze

2 SAMUEL 13:39

Ndien oro esin David edidem etre ndiwɔrɔ ŋkoyom Absalom: koro enye ama okokop ndɔŋesit abaŋa Amnon, koro enye ama akakpa.

2 SAMUEL 2:18

Nditɔ Zeruiah ita enyuŋ edu do ŋko, Joab, ye Abishai, ye Asahel: Asahel onyuŋ ɔsɔp ukot nte edop kiet ke otu edop ikɔt.

MME ŊKE 29:26

Ediwak owo eyom iso enyene-obio: edi ikpe owo oto enyɔŋ.

1 CHRONICLES 2:16

Ndien nditɔ-ete mmɔ iban edi Zeruiah ye Abigail. Nditɔ Zeruiah ŋko; Abishai, ye Joab, ye Asahel, mmɔ owo ita.

2 SAMUEL 19:4

Edi edidem ɔfuhɔ ŋkpɔ ke iso esie, edidem onyuŋ eseme ke ɔkpɔsɔŋ uyo, ete, O eyen mi Absalom! O Absalom, eyen mi, eyen mi!

2 SAMUEL 19:2

Ndien erinyaŋa usen oro akabare edi ŋkpɔ ntua-eyet ye kpukpru owo: koro ke usen oro kpukpru ekop ete ke esit ayat edidem abaŋa eyen esie.

2 SAMUEL 18:33

Ndien esit ayat edidem, enye onyuŋ ɔdɔk ke ubet ke enyɔŋ inua-otop, ke atua eyet: onyuŋ ɔdɔhɔ ntem, nte enye ɔdɔkde, ete, Eyen mi Absalom! eyen mi, eyen mi, Absalom! ami ŋkpakam ŋkpa ke ibuot fo, O Absalom, eyen mi, eyen mi.

2 SAMUEL 14:2

Ndien Joab ɔdɔŋ eka ke Tekoa, ekeda ɔfiɔkŋkpɔ ŋwan do edi, onyuŋ ɔdɔhɔ enye, ete, Mbɔk nim idemfo nte ŋwan eke etiede ikpo, nyuŋ sine ɔfɔŋ-idem ikpo, kunyuŋ uyere aran, edi nim idemfo nte ŋwan eke etiede ikpo anyan ini abaŋa akpa mkpa: