2 SAMUEL 11:8 - Edisana ñwed Abasi Ibom

⁸ Ekem David ɔdɔhɔ Uriah, ete, Suhɔre ka ufɔk fo, keyet ukot fo. Ndien Uriah adaha ke ufɔk edidem, ndien enɔ edidem etiene enye.

2 SAMUEL 11:8 Referans Kwoze

GENESIS 18:4

Mbɔk yak eda ekpri mmɔŋ ediyet mbufo ukot, mbufo enyuŋ etie ke idak eto eduɔk odudu:

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

LUKE 12:2

Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

LUKE 7:44

Ekem Enye ɔwɔŋɔre ese ŋwan, onyuŋ ɔdɔhɔ Simon ete, Omokut ŋwan emi? Ŋkodukde ke ufɔk fo, afo unɔŋɔ Mi mmɔŋ ndida nyet ukot: edi enye ada mmɔŋ-eyet esie eyet Mi ukot, onyuŋ ada idet esie ɔkwɔhɔre Mi ukot.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

ŊWED MME PSALM 55:21

Inua esie emem akan mmɔŋ-eba, edi ekɔŋ odu enye ke esit: ikɔ esie edɔbɔ ekan aran, edi mmɔ edi ofut afai.

ŊWED MME PSALM 44:21

nte Abasi ididuŋɔke emi? koro enye ɔfiɔkde ndibeŋkpɔ esit owo.

ŊWED MME PSALM 12:2

Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

GENESIS 43:34

Ndien eda udeme udia emi odude enye ke iso esɔk mmɔ: edi udeme Benjamin okpon akan udeme kpukpru mmɔ oro utim ikotion. Mmɔ enyuŋ eŋwɔŋ ŋkpɔ, enyuŋ ebre ye enye.

GENESIS 43:24

Ndien enye osio Simeon ɔnɔ mmɔ. Ndien enye ada mmɔ oto oduk ke ufɔk Joseph, onyuŋ ɔnɔ mmɔŋ, ndien mmɔ eyet ukot mmɔ; onyuŋ ɔnɔ ass mmɔ se etade.

GENESIS 19:2

onuk iso esie ese isɔŋ; ndien enye ɔdɔhɔ, ete, Sese, mbɔk, mbɔŋ mi, mbufo ewaha, mbɔk, ke ufɔk owo mbufo, enyuŋ edaŋ, enyuŋ eyet ukot mbufo, ndien ebak edaha, enyɔŋɔ ke usuŋ mbufo. Ndien mmɔ ete, Ih ih;