2 SAMUEL 1:2 - Edisana ñwed Abasi Ibom

² edikem ke ɔyɔhɔ usen ita sese, owo kiet oto ke na-ekɔŋ emi Saul odude, edi ndien edisine-ŋkpɔ esie ewaha, ntɔŋ onyuŋ odoro enye ke ibuot: edikem ke adaŋemi enye osimde David, enye ɔduɔ ke isɔŋ atuak ibuot.

2 SAMUEL 1:2 Referans Kwoze

1 SAMUEL 4:12

Ekem eyen Benjamin kiet oto ke udim-ekɔŋ ɔsɔp itɔk okosim ke Shiloh ke usen oro, ye ŋwaha ɔfɔŋ-idem, ntan onyuŋ odoro enye ke ibuot.

2 SAMUEL 4:10

Adaŋemi owo kiet eketiŋde ɔnɔ mi, ete ke Saul ama akpa, enye onyuŋ abat idem esie ke andibuk eti mbuk, mma mmum enye ŋwot ke Ziklag, emi ami ŋkɔnɔde enye ke ŋkpɔ eti mbuk esie:

1 SAMUEL 25:23

Ekem adaŋemi Abigail okutde David, enye awara oto ass ke edem ɔsuhɔre, onyuŋ ɔduɔ ke isɔŋ ke iso David, otuk iso esie ɔnuhɔ ke isɔŋ.

JOSHUA 7:6

Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

ESTHER 5:1

EDIKEM ke ɔyɔhɔ usen ita, Esther esine edisine-ŋkpɔ ɔbɔŋ-aŋwan, edi edida ke esit okure ufɔk edidem, asak iso ese ufɔk edidem: ndien edidem etie ke ebekpo ubɔŋ esie ke ufɔk edidem, asak iso ese usuŋ ufɔk.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

2 SAMUEL 15:32

Ekem adaŋemi David osimde ke ibuot obot, emi enye atuakde ibuot do ɔnɔ Abasi, sese, Hushai Archite edisobo ye enye, edisine-ŋkpɔ esie ewaha, ntan onyuŋ odoro enye ke ibuot.

2 SAMUEL 14:4

Ekem ke ini ŋwan a Tekoa oro ɔdɔhɔde ye edidem, ŋwan ɔduɔ ke isɔŋ okubi iso esie, onyuŋ atuak ibuot, ete, Nyaŋa, O edidem!

1 SAMUEL 20:41

Eyen ɔwɔŋ oro ɔnyɔŋ, ndien David oto ke Ezel ɔwɔrɔ ke edem usuk-usuk, onyuŋ ɔduɔ ke isɔŋ okubi iso esie, onyuŋ ɔnuhɔ utim ikata: ndien kiet otim kiet inua, kiet onyuŋ etiene kiet atua eyet, tutu David akan.

1 SAMUEL 4:16

Ndien owo oro ɔdɔhɔ Eli, ete, Edi ami ŋkoto ke udim-ekɔŋ, ami nto ke udim-ekɔŋ mfehe ndi mfin emi. Ndien enye (Eli) obup ete, Nso okotibe do,eyen mi?

GENESIS 43:28

Ndien mmɔ ete, Ke idem ɔsɔŋ owo fo ete nnyin, enye ke odu uwem kaŋa.

GENESIS 37:34

Ndien Jacob awak edisine-ŋkpɔ esie, onyuŋ esine ɔfɔŋ-ikpo ke idem, onyuŋ atua eyen esie anyan ini.

GENESIS 37:29

Ekem, Reuben afiak aka ke obube oro; edi, sese, Joseph iduhe ke obube; ndien enye

GENESIS 22:4

Ekem ke ɔyɔhɔ usen ita, Abraham emenere enyin esie okut ebiet oro nsan-nsan.

2 SAMUEL 1:3

Ndien David obup enye, ete, Afo oto mmɔŋ? Ndien enye ɔbɔrɔ enye, ete, Ŋkefeghe ke nna-ekɔŋ Israel mbɔhɔ.

EZEKIEL 27:30

ndien mmɔ eyeda uyo mmɔ enam ekop ebaŋa fi, enyuŋ eseme ndot-ndot, enyuŋ emen ntan eduɔk ke ibuot mmɔ, enyuŋ emiaŋa ke ntɔŋ:

2 SAMUEL 13:19

Ndien Tamar ada ntan ŋko ɔduɔk ke ibuot esie, onyuŋ awai ediye edisine-ŋkpɔ oro enye esinede, onyuŋ odori ubɔk esie ke ibuot, asaŋa atua.

2 SAMUEL 24:20

Ndien Araunah emenere enyin, okut edidem ye ikɔt esie ke edi etiene enye: ndien Araunah ɔwɔrɔ okowuk ubɔk ɔnɔ edidem,otuk iso esie ke isɔŋ.