2 PETER 2:3 - Edisana ñwed Abasi Ibom

³ Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

2 PETER 2:3 Referans Kwoze

2 ŊWED CORINTH 2:17

Ndien anie ekeme ndinam utɔ utom oro? Nnyin imekeme; koro nnyin itiehe nte ediwak owo emi enyanyam ikɔ Abasi eŋwana udori; edi itiŋ ikɔ ke Christ ke iso Abasi, nte owo emi edide owo akpanikɔ ye owo Abasi etiŋde.

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

1 ŊWED THESSALONICA 2:5

Koro akanam owo ikwe nnyin idade ikɔ nnem-inua nte mbufo efiɔkde; Abasi onyuŋ edi ntiense ete, akanam nnyin inyuŋ idaha ikɔ idip mbumek;

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

JUDE 1:15

Ndikpe ikpe ye kpukpru owo, ndinyuŋ mbiom kpukpru mmɔ emi mibakke Enye ikpe Mbaŋa kpukpru mbukpo ido eke mmɔ enamde, Ye kpukpru mkpɔsɔŋ ikɔ eke mmɔ emi mibakke Enye eketiŋde edian Enye.

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

1ŊWED TIMOTHY 6:5

ye isuŋi, ye idiɔk ekikere, ye ɔkpɔsɔŋ eneni ke otu mmɔ emi ekikere mmɔ ama akabiara, akpanikɔ ama onyuŋ ɔbɔhɔ mmɔ; etie mmɔ nte uteŋe Abasi edi afaŋ udia-udori.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

TITUS 1:7

Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

1 PETER 2:8

Ye, Itiat utuaha ye akwa itiat eke esinde owo eduɔŋɔ. Mmɔ etuak ukot, koro mmɔ misukke ibuot inɔ ikɔ Abasi; oro onyuŋ edi se inade inɔ mmɔ.

1ŊWED TIMOTHY 3:8

Kpasuk ntre mme deacon enyene ndidi owo emi edotde ukpono. Mmɔ ekunyene edeme-ikɔ iba, ekunyuŋ emehe ye ediwak wine, ekunyuŋ esin esit ke obukpo udori;

1ŊWED TIMOTHY 3:3

Enye ikpe-dige owo mmin, ye owo mfiomo; edi enyene ndidi suŋ-suŋ owo, emi midige owo utɔk, minyuŋ isinke esit ke okuk.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

JOHN 2:16

onyuŋ ɔdɔhɔ mme anyam-ibiom ete, Etaŋ ŋkpɔ emi enyɔŋɔ; ekunim ufɔk Ete Mi ke ufɔk mbubine.

LUKE 22:47

Ke adaŋemi Enye osuk etiŋde ntem, sese, otu owo edi, ndien owo kiet ke otu mbet duopeba, emi ekerede Judas, ada mmɔ usuŋ: ndien enye asaŋa ekpere Jesus, ete itim Enye inua.

LUKE 20:20

Ekem mmɔ etiŋ enyin ekpeme Enye, enyuŋ edɔŋ mbon-uyep, emi ewutde idem ete idi ndinen owo, man mmɔ emum Enye ikɔ inua, man oto do eyak Enye esin ke ubɔk andikara ndikpe ikpe ye Enye.

LUKE 18:8

Ndɔhɔ mbufo nte, Enye eyewara osio usiene ɔnɔ mmɔ. Edi ke adaŋemi Eyen Owo edidide, nte Enye eyekut mbuɔtidem ke isɔŋ?

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

HABAKKUK 3:3

Abasi okoto ke Teman, Edisana Abasi okoto ke obot Paran. [Selah.] Ubɔŋ esie okofuk ikpa-enyɔŋ, itoro esie okonyuŋ ɔyɔhɔ ke isɔŋ.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

EZEKIEL 13:19

Nte mbufo eyenyuŋ esabare mi enɔ ikɔt mi ke uyɔhɔ ubɔk barley ye ke ŋkeŋe uyo, man ewot ukpɔŋ eke midikpaha, enyuŋ eda ukpɔŋ eke mididuhe uwem enim ke uwem, ke erisu emi mbufo esude enɔ ikɔt mi emi ekopde nsu.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

ISAIAH 60:22

Ekpri eyekabare edi tɔsin, esisit eyenyuŋ akabare edi ɔkpɔsɔŋ idut: ami Jehovah nyenam enye awara ke ekem ini esie.

ISAIAH 56:11

Mme ebua emi ŋko ekpum okpum, ifiɔkke uyuhɔ; ndien mme ekpemerɔŋ ŋko ke idem mmɔ ifiɔkke nditim nnam: kpukpru mmɔ emekabare ese usuŋ mmɔ, owo kiet kiet ese udori esiemɔ eke otode ke edem esie.

ISAIAH 5:19

“Yak enye awara, yak ɔsɔp ubɔk anam utom esie, man nnyin ikut: yak uduak Edisana Abasi Israel onyuŋ asaŋa edikpere, man nnyin ifiɔk!”

ŊWED MME PSALM 81:15

Mmɔ eke esuade Jehovah ekpenem inua enɔ enye; ndien eyo mmɔ ekpebigi ke nsinsi.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

ŊWED MME PSALM 18:44

Ke ini mmɔ ekopde ke utɔŋ, mmɔ eyenam uyo mi: nditɔ idut eyenem inua enɔ mi.

DEUTERONOMY 24:17

Kuyut ikpe esen owo, mme eke eyen-akpa; kunyuŋ uda ɔfɔŋidem ebe-akpa ke ubiɔŋ:

ŊWED JOB 6:27

Edi mbufo enyime ndisin afia mbaŋa eyen-akpa, nnyuŋ nnyam ufan mbufo nte ŋkpɔ-urua.

JUDE 1:16

Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.

MATTHEW 23:14

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ekade ufɔk mme ebekpa, enyuŋ ebɔŋde akam ke abiaŋa; mmɔdo mbufo eyebɔ ufen eke okponde akan.