2 PETER 2:17 - Edisana ñwed Abasi Ibom

¹⁷ Mmɔ edi idim eke misiahake mmɔŋ, ye akarika eke oyobio emende ofime ebe; ema enim ata obubit ekim enɔ mmɔ.

2 PETER 2:17 Referans Kwoze

JEREMIAH 14:3

Ndien mbɔŋ mmɔ edɔŋ nditɔwɔŋ mmɔ mmɔŋ; mmɔ esim obube, ikwe mmɔŋ; efiak ye ukpɔk abaŋ mmɔ ke ubɔk; but ye esuene enam mmɔ, ndien mmɔ efuk ibuot mmɔ.

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

2 PETER 2:4

Koro edieke Abasi mikayakke mme angel emi ekeduede ebɔhɔ, edi otopde mmɔ ɔduɔk ke itie-ufen, onyuŋ esinde mmɔ ke ŋkim-ŋkim ukpe, ete, enim mmɔ etie do ebet ikpe;

MATTHEW 25:30

Mbufo enyuŋ eduɔk asaŋutom emi midorike mi udori ke ekim ke esien: do ke eritua eyet ye erita edet eyedu.

MATTHEW 22:13

Ekem edidem ɔdɔhɔ ikɔt esie ete, Ebɔp enye ubɔk ye ukot, enyuŋ etop enye eduɔk ke ekim ke esien; do ke eritua eyet ye erita edet eyedu.

MATTHEW 8:12

edi eyeduɔk nditɔ Obio Ubɔŋ ke ekim ke aŋwa-aŋwa: do ke eritua eyet ye erita edet eyedu.

HOSEA 6:4

Ndinam nso ye afo, O Ephraim? O Judah, ndinam nso ye afo? Ŋkɔm ima (Abasi) mbufo ebiet ntuhube usenubɔk, ye mbara emi abakde adaha.

MME HEBREW 12:18

Koro mbufo ikasaŋake ikpere se owo ekemede ndituk ke ubɔk, ye ikaŋ eke asakde, ye obubit enyɔŋ, ye ekim, ye oyobio, ye uyo ukorowo, ye uyo ikɔ;