2 PETER 1:6 - Edisana ñwed Abasi Ibom

⁶ ye ime ke erifara ke idem,

2 PETER 1:6 Referans Kwoze

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

MME HEBREW 10:36

Koro ana nte mbufo enyene ime man ebɔ se Abasi ɔkɔŋwɔŋɔde, ke ema ekenam se Enye amade.

LUKE 21:19

Edida erime ime ke ukut ebɔ ukpɔŋ mbufo eda enyene.

MME HEBREW 12:1

MMƆDO, sia otu ntiense eke ewakde ntem ekande nnyin ekuk, eyak nnyin nde ikpɔnɔre kpukpru mbiomo inim ŋkaŋ kiet, ye idiɔk-ŋkpɔ eke eyirede nnyin ke kpukpru edem; enyuŋ eyak ifehe mbuba eke anade nnyin ke iso ye ime,

1 ŊWED CORINTH 9:25

Owo ekededi eke onyuŋ aŋwanade mbɔk akama idem ke ufat ke kpukpru usuŋ. Ndien mmɔ enam emi ndibɔ anyanya eke edibiarade; edi nnyin inam man ibɔ anyanya eke midibiarake.

TITUS 2:2

Kpep ŋkani owo ete efara ke idem, etie uku-uku, enyene eti ibuot, enyuŋ ekop idem ke mbuɔtidem, ye ima, ye ime.

ŊWED MBON GALATIA 5:23

ye ime, ye mfɔn-ido, ye eti ido, ye erinam akpanikɔ, ye ifure-ifure ido, ye mfara ke idem; baba ibet kiet ibiɔŋɔke oruk edu emi.

ERIYARARE 14:12

Mi ke ekut ime nti ikɔt Abasi, kpa mmɔ emi enimde mbet Abasi, enyuŋ ebuɔtde idem ye Jesus.

ERIYARARE 2:2

Mmɔfiɔk mme utom fo, ye ɔkpɔsɔŋ eŋwan, ye ime fo; mmonyuŋ mfiɔk nte ukemeke ndibiom mme idiɔk owo, okonyuŋ odomo mmɔ emi ekotde idem mme apostle, ndien midige, okonyuŋ ayarare ɔfiɔk ete mmɔ edi mme osu-nsu;

TITUS 1:8

Enye enyene ndidi owo eke amade ndikama isen owo, ama eti ido, enyene eti ibuot, enyene edinen ido, enyene edisana ido, enyene mfara ke idem:

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

2 ŊWED CORINTH 6:4

Edi ke kpukpru usuŋ imowut ite idi ata mme asaŋutom Abasi, ke akwa erime ime, ke ukut, ke mfihe, ke mbaba,

ŊWED MBON ROME 8:25

Edi edieke nnyin idoride enyin ibaŋa se nnyin mikwe, adaŋoro nnyin itie ke ime ibet ŋkpɔ oro.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

2 PETER 3:11

Sia kpukpru ŋkpɔ emi edibiarade ntem, nso oruk owo ke mbufo ekpedi ke edisana ido ye ke uteŋe Abasi?

MME HEBREW 6:15

Ntre ke Abraham ɔkɔbɔ mme uŋwɔŋɔ Abasi ke enye ama ekeme anyan ime.

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.

TITUS 1:1

AMI Paul, emi ndide owo Abasi ye apostle Jesus Christ, man ndimek ikɔt Abasi enyene mbuɔtidem, enyuŋ enyene ifiɔk akpanikɔ eke asaŋade ye uteŋe Abasi, ke idori-enyin nsinsi uwem;

2 ŊWED TIMOTHY 3:5

enyene enyɔŋ-enyɔŋ ido uteŋe Abasi, edi isa ŋake ŋkpɔ ye odudu ke odude ke uteŋe Abasi. Wɔŋɔre kpɔŋ mmɔ eke etiede ntem.

1ŊWED TIMOTHY 6:11

Edi afo, O owo Abasi, fehe kpɔŋ mme ŋkpɔ emi; nyuŋ bine edinen ido, ye uteŋe Abasi, ye mbuɔtidem, ye ima, ye ime, ye nsuhɔre-esit.

1ŊWED TIMOTHY 6:6

Edi uteŋe Abasi edi akwa udori, ke ini asaŋade ye esit eke okutde ete se inyenede ekem.

1ŊWED TIMOTHY 6:3

Kpep nyuŋ teme mmɔ enam ntem. Edieke owo ekededi ekpepde oruk ŋkpɔ eŋwen, minyuŋ inyimeke inɔ nti ikɔ, kpa ikɔ Ɔbɔŋ nnyin Jesus Christ, ye ukpep-ŋkpɔ eke ekemde ye uteŋe Abasi,

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

1ŊWED TIMOTHY 2:10

edi eda nti ubɔk-utom ebana idem; koro oro odot ye iban emi edɔhɔde ete imenyene uteŋe Abasi.

1ŊWED TIMOTHY 2:2

ebaŋa ndidem ye kpukpru mmɔ emi edude ke ikpɔ itie; man nnyin idu uwem ifure ye emem, ke kpukpru uteŋe ye eti ido.

2 ŊWED THESSALONICA 3:5

Ɔbɔŋ akpakam onyuŋ ɔwɔŋɔre mbufo esit esin ke ima Abasi ye ime Christ.

2 ŊWED THESSALONICA 1:4

tutu nnyin ke idem nnyin ibure mbure ibaŋa mbufo ke mme ufɔk Abasi, ke ime ye mbuɔtidem eke mbufo enyenede ke kpukpru isin-enyin ye ukut eke mbufo ekutde:

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

GENESIS 5:24

Enoch onyuŋ asaŋa ye Abasi: ndien iduhe; koro Abasi akadade enye ɔnyɔŋ.