2 PETER 1:1 - Edisana ñwed Abasi Ibom

¹ SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

2 PETER 1:1 Referans Kwoze

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

TITUS 1:4

ŋwet nnɔ esɔk Titus, ata eyen mi ke mbuɔtidem eke nnyin edem mbiba ibuanade; mfɔn ye emem akpakam oto ke ubɔk Abasi Ete ye Christ Jesus Andinyaŋa nnyin osim fi.

2 ŊWED CORINTH 4:13

Edi sia nnyin inyenede spirit mbuɔtidem kiet ye enye emi ewetde ete, Mmonim ke akpanikɔ, nnyuŋ ntiŋ; nnyin nde imonim ke akpanikɔ, inyuŋ itiŋ;

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

ŊWED MBON ROME 1:12

ikɔ emi ɔwɔrɔ ete, man ntiene mbufo ŋkop ndɔŋesit emi otode mbufo, nnyin inyuŋ ida mbuɔtidem nnyin edem mbiba idɔŋ kiet eken esit.

2 PETER 1:4

emi Enye okonyuŋ adade ɔnɔ nnyin mme uŋwɔŋɔ eke esɔŋde urua enyuŋ ekponde eti-eti; man mbufo eda mmɔ ekabare ebuana ke uduot Abasi, ke ema ekebɔhɔ mbiara emi idiɔk itɔŋ esinde ke ererimbot;

1 PETER 1:1

PETER, emi edide apostle Jesus Christ, ewet ŋwed emi ɔnɔ esɔk mmɔ emi esuanade eduŋɔ ke Pontus ye Galatia ye Cappadocia ye Asia ye Bithynia;

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

ŊWED MBON ROME 1:1

PAUL, owo Jesus Christ, emi Abasi okokotde ete edidi apostle, onyuŋ adianarede onim ɔnɔ gospel Esie

LUKE 1:47

Spirit mi omonyuŋ adara ke Abasi Andinyaŋa mi.

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

2 ŊWED TIMOTHY 1:5

Koro mmeti ata mbuɔtidem eke odude fi ke esit; eke ekebemde iso oduŋ ke esit eka eka fo Lois, ye ke esit eka fo Eunice, nnyuŋ nnim ke akpanikɔ nte enye etiene odu fi ke idem.

ŊWED MBON PHILIPPI 3:9

man mbɔ Christ nda nnyene, enyuŋ ekut ete ndu ke Enye, ke mmenyeneke edinen ido idem mi eke otode ke erinim ibet, edi edinen ido eke otode ke eribuɔt idem ye Christ, kpa edinen ido emi Abasi ɔnɔde kabaŋa mbuɔtidem;

UTOM MME APOSTLE 15:14

Nditɔ-ete, ekpaŋ utɔŋ enɔ mi: Simeon omobuk nte Abasi ekebemde iso edi edise mme Gentile, ndisio ikɔt ke otu mmɔ nnɔ enyiŋ Esie.

MATTHEW 10:2

Enyiŋ mme apostle duopeba edi emi: akpa owo edi Simon, emi ekerede Peter, ye Andrew eyen-eka esie; ye James eyen Zebedee ye John eyen-eka esie;

1 PETER 2:7

Enye ɔsɔŋ urua ke enyin mbufo emi ebuɔtde idem ye Enye; edi ama edi mmɔ emi mibuɔtke idem ye Enye, Itiat emi mme ɔbuɔp-ufɔk ekesinde Amakabare edi Etubom inuk;

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

TITUS 1:1

AMI Paul, emi ndide owo Abasi ye apostle Jesus Christ, man ndimek ikɔt Abasi enyene mbuɔtidem, enyuŋ enyene ifiɔk akpanikɔ eke asaŋade ye uteŋe Abasi, ke idori-enyin nsinsi uwem;

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;

ŊWED MBON EPHESUS 4:5

Ɔbɔŋ kiet onyuŋ odu, ye mbuɔtidem kiet, ye baptism kiet;

ŊWED MBON EPHESUS 3:5

emi nditɔ owo mikɔfiɔkke ke mme eyo oko, nte Spirit ama ayarare enye ke emi ɔnɔ nti apostle ye prophet;

ŊWED MBON GALATIA 2:8

(koro Enye emi akanamde Peter akabare edi apostle mme ana-mbobi okonyuŋ anam mi ŋkabare ndi apostle mme Gentile);

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

1 ŊWED CORINTH 15:9

Koro mmeŋkpri ŋkaha ke otu mme apostle, emi mmendotke ndikere apostle, koro ŋkesinde ufɔk Abasi enyin.

1 ŊWED CORINTH 9:1

NTE nnyeneke unen ndinam nte mmade? Nte ndige apostle? Nte ŋkekwe Jesus Ɔbɔŋ nnyin? Nte mbufo idige ubɔk-utom mi ke Ɔbɔŋ?

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

ŊWED MBON ROME 1:17

Koro do ke edinen ido eke Abasi ayarare, eke ɔtɔŋɔde ke mbuɔtidem: nte ewetde ete, Edinen owo edida mbuɔtidem odu uwem.

JOHN 20:21

Jesus ɔtɔŋɔ ntak ɔdɔhɔ mmɔ ete, Emem osuk odu ye mbufo. Nte Ete okosiode Mi ɔdɔŋ, kpa ntre ke Ami nnyuŋ nsio mbufo ndɔŋ.

JOHN 1:42

Ada enye edi ke ɔtɔ Jesus. Jesus owuk enyin ese enye, ete enye, Afo edi Simon, eyen John; edikot fi Cephas (oro ɔwɔrɔ ete, Peter).

LUKE 11:49

Mmɔdo Eti Ibuot Abasi ama ɔdɔhɔ ete, Nyedɔŋ mme prophet ye mme apostle etiene mmɔ;

MATTHEW 4:18

Edi nte Enye asaŋade ke mben Inyaŋ Galilee, enye okut nditɔeka iba, kpa Simon emi ekerede Peter ye Andrew eyen-eka esie, nte eduɔŋɔde iyire ke inyaŋ; koro mmɔ edide mme ɔkɔ-iyak.

JEREMIAH 33:16

Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ŊWED MBON PHILIPPI 1:1

PAUL ye Timothy, emi edide mme owo Christ Jesus, ewet ŋwed emi enɔ esɔk kpukpru ikɔt Abasi ke Christ Jesus emi edude ke Philippi, ye nyebiowo ye mme deacon:

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.