2 NDIDEM 3:3 - Edisana ñwed Abasi Ibom

³ Edi enye ɔkɔbɔ ke idiɔk ido Jeroboam eyen Nebat, emi akanamde Israel ediɔk; inyuŋ ikpɔŋke oro.

2 NDIDEM 3:3 Referans Kwoze

1 NDIDEM 14:16

Ndien enye eyeyak Israel ɔnɔ, abaŋa mme idiɔk ido Jeroboam emi ɔkɔdiɔkde, emi okonyuŋ anamde Israel ediɔk.

2 NDIDEM 17:22

Ndien nditɔ Israel esaŋa ke kpukpru mme idiɔk ido Jeroboam, emi enye akanamde: mmɔ ikabakede ikpɔŋ mmɔ;

2 NDIDEM 15:18

Enye onyuŋ anam idiɔk ke iso Jehovah: ke ofuri eyo esie enye ikabakede ikpɔŋ mme idiɔk ido Jeroboam eyen Nebat, emi akanamde Israel ediɔk.

2 NDIDEM 15:9

Enye onyuŋ anam idiɔk ke iso Jehovah, kpa nte mme ete esie ekenamde: ikabakede ikpɔŋ mme idiɔk ido Jeroboam eyen Nebat, emi akanamde Israel ekebare ediɔk.

2 NDIDEM 14:24

Enye onyuŋ anam idiɔk ke iso Jehovah: ikabakede ikpɔŋ kpukpru mme idiɔk ido Jeroboam, eyen Nebat, emi akanamde Israel ekabare ediɔk.

2 NDIDEM 13:11

Enye ŋko onyuŋ anam idiɔk ke iso Jehovah; enye ikabakede ikpɔŋ kpukpru mme idiɔk ido Jeroboam, eyen Nebat, emi akanamde Israel ediɔk: edi asaŋa ke esit.

2 NDIDEM 13:6

Edi mmɔ ikabakede ikpɔŋ mme idiɔk ido ufɔk Jeroboam, emi akanamde Israel ekabare ediɔk, edi esaŋa ke esit: eto-mkpe onyuŋ osuk ada ke Samaria.)

2 NDIDEM 13:2

Enye ŋko onyuŋ anam idiɔk ke iso Jehovah, onyuŋ etiene idiɔk ido Jeroboam, eyen Nebat, emi akanamde Israel ediɔk; ikabakede ikpɔŋ enye.

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.

1 NDIDEM 15:34

Enye onyuŋ anam idiɔk ke iso Jehovah, onyuŋ asaŋa ke usuŋ Jeroboam, ye ke idiɔk ido esie emi enye esinde Israel ediɔk.

1 NDIDEM 15:26

Ndien enye anam se idiɔkde Jehovah ke enyin, onyuŋ asaŋa ke usuŋ ete esie, ye ke idiɔk ido esie emi enye akadade esin Israel ediɔk.

1 NDIDEM 14:9

edi ama anam idiɔk akan kpukpru owo emi ekebemde fi iso edu ama onyuŋ aka akanam abasi eŋwen, ye editara mbiet, onyuŋ ayat mi esit, onyuŋ emen mi ɔduɔk ke edem fo.

1 NDIDEM 13:33

Ke ini ŋkpɔ emi ebede, Jeroboam ifiakke edem ikpɔŋ idiɔk usuŋ esie, edi enye ɔtɔŋɔ ntak osio owo ke ofuri obio onim ke oku edikoŋ ebiet: ndien ama edi owo ekededi eke oyomde, enye ɔyɔhɔ owo oro ubɔk, ndien enye akabare edi kiet ke otu mme oku edikoŋ ebiet.

2 NDIDEM 17:21

Koro enye akawaide Israel osio ufɔk David ke ubɔk; ndien mmɔ enim Jeroboam eyen Nebat ke edidem: ndien Jeroboam onuk Israel efep, ete ekutiene Jehovah, onyuŋ esin mmɔ enam ata idiɔk ido.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 21:16

Ndien ŋko Manasseh ɔkɔduɔk iyip ata ediwak owo eke miduehe isop, tutu ɔyɔhɔ ke Jerusalem, ɔtɔŋɔde ke utit emi tutu osim utit oko; ɔkɔrɔ ye mme idiɔk ido esie oro enye esinde Judah enam, ke erinam idiɔk ke iso Jehovah.

2 NDIDEM 23:15

Ndien ŋko ama edi itie-uwa oro odude ke Beth-el, ye edikoŋ ebiet oro Jeroboam eyen Nebat, emi ekesinde Israel ediɔk, akanamde, kpasuk itie-uwa oro ye edikoŋ ebiet oro ke enye okowuri, onyuŋ ɔfɔp edikoŋ ebiet oro, onyuŋ anuak enye emem, onyuŋ ɔfɔp eto-mkpe.