2 NDIDEM 1:9 - Edisana ñwed Abasi Ibom

⁹ Ndien edidem ɔdɔŋ etubom owo aba ye duop ye owo esie aba ye duop etiene enye. Ndien enye ɔdɔk okosim enye: ndien, sese, enye etie ke enyɔŋ obot kiet. Ndien etubom ɔdɔhɔ enye, ete, Owo Abasi, edidem ɔdɔhɔ fi, ete, Suhɔre di.

2 NDIDEM 1:9 Referans Kwoze

MME HEBREW 11:36

Mmɔ efen ekut idomo oto nsahi ye ufen ye ŋkpɔkɔbi ye ufɔk-ŋkpɔkɔbi ŋko;

MARK 15:32

Yak Christ, Edidem Israel, ɔsuhɔre ke cross naŋa, man nnyin ikut inyuŋ inim ke akpanikɔ. Mmɔ emi ekɔkɔŋde ye Enye ke cross enyuŋ etɔk Enye.

MARK 15:29

Mmɔ eke esaŋade ebe esuene Enye, enyeŋe ibuot ete, Ha! Afo emi owuride temple, onyuŋ ɔbɔpde enye ke usen ita,

MATTHEW 27:29

Mmɔ enyuŋ edɔk anyanya ŋkukim eyara Enye ke ibuot, enyuŋ efak Enye esaŋ ke ubɔk nnasia; enyuŋ etɔŋɔ edɔŋ ke iso Esie, esak Enye nsahi, ete, Etia! Edidem mme Jew!

MATTHEW 26:68

ndusuk mmɔ enyuŋ eyibi Enye ufia, ete Enye, Siak enyiŋ owo emi oyibide Fi, O Christ.

MATTHEW 14:3

Koro Herod okomum John, esin ke ebuka, otop ɔduɔk ke ufɔk-ŋkpɔkɔbi, kabaŋa Herodias, ŋwan eyen-ete esie Philip.

AMOS 7:12

Amaziah onyuŋ ɔdɔhɔ Amos owo ŋkukut ŋko, ete, Daha, fehe ka ke isɔŋ Judah, nyuŋ dia ŋkpɔ do, nyuŋ tiŋ prophecy do:

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

1 NDIDEM 18:42

Ndien Ahab ɔdɔk aka ndidia ŋkpɔ nnyuŋ ŋŋwɔŋ. Elijah onyuŋ ɔdɔk ŋko ke ibuot Carmel; onyuŋ ɔsuhɔre etie ke isɔŋ, onyuŋ onuk ibuot esie esin mkpatian-ukot esie.

1 NDIDEM 18:10

Ma uwem Jehovah Abasi fo, baba obio, baba idut eke ete mi mikɔdɔŋke utom do ekeyom fi, iduhe: ndien adaŋoro mmɔ edɔhɔde, ete, Iduhe, enye anam idut oro, ye obio oro ɔŋwɔŋɔ, ete ke ikwe fi.

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

LUKE 9:54

Ke ini mbet Esie James ye John ekutde emi, mmɔ edɔhɔ ete, Obɔŋ, nte omonyime nnyin ikot ikaŋ oto ke enyɔŋ ɔsuhɔre edita mmɔ?

JEREMIAH 35:4

ndien nda mmɔ ndi ke ufɔk Jehovah, ke ubet nditɔ Hanan, eyen Igdaliah, owo Abasi, emi odude ke ŋkaŋ ubet mbɔŋ, emi odude ke enyɔŋ ubet Maaseiah eyen Shallum emi ekpemede inua otop.

1 SAMUEL 19:21

Ndien adaŋemi mmɔ etiŋde enɔ Saul, enye ɔdɔŋ mme isuŋutom eŋwen, ndien mmɔ ŋko enyuŋ enam prophecy. Ndien Saul ɔtɔŋɔ ntak ɔdɔŋ mme isuŋutom eŋwen ɔyɔhɔ ikata, ndien mmɔ enyuŋ etiŋ prophecy ŋko-ŋko.

1 NDIDEM 17:18

Ndien eka ɔdɔhɔ Elijah, ete, Ami nsaŋa nso ye afo, O owo Abasi? Nte afo emedi ke ufɔk mi, nditi mi idiɔk ido mi, nnyuŋ ŋwot eyen mi?

2 NDIDEM 2:25

Ndien enye oto do aka ke obot Carmel, onyuŋ oto do aka ke Samaria.

2 NDIDEM 4:25

Ntem ke enye asaŋa aka okosim owo Abasi oro ke obot Carmel.Edikem ke ini owo Abasi okutde enye anyan usuŋ, enye ɔdɔhɔ Gehazi akparawa esie, ete, Sese,