2 NDIDEM 1:1 - Edisana ñwed Abasi Ibom

¹ EKEM Moab ɔsɔŋ ibuot ye Israel, ke Ahab ama akakpa.

2 NDIDEM 1:1 Referans Kwoze

2 SAMUEL 8:2

Enye onyuŋ asuan Moab, onyuŋ ada uruk odomo mmɔ, anam mmɔ ena ke isɔŋ; enye onyuŋ odomo ubak iba eke ediwotde, ye ata akamba ubak eke edinimde ke uwem. Ntre ke nditɔ Moab ekabare edi ifin David, enyuŋ etomo utomo.

ŊWED MME PSALM 60:8

Moab edi akpaŋkpaŋ-uyet-ukot mi; nyetop ikpa-ukot mi nnɔ Edom: Philistia, sio mkpo idara baŋa mi.

1 CHRONICLES 18:2

Enye onyuŋ asuan Moab; ndien mme Moabite ekabare edi ikɔt David, enyuŋ etomo utomo.

2 NDIDEM 8:22

Edi Edom esɔŋ ibuot ye Judah tutu osim mfin emi. Libnah onyuŋ ɔsɔŋ ibuot ke ini oro.

2 NDIDEM 8:20

Ke eyo esie Edom esɔŋ ibuot ye Judah, enyuŋ enim owo ke edidem mmɔ,

NUMBERS 24:7

Mmɔŋ eyeto ke mme abaŋ esie ɔduɔ, ubon esie onyuŋ odu ke mben ediwak mmɔŋ; edidem esie eyenyuŋ oforo akan Agag, ubɔŋ esie eyenyuŋ okpon.

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.