1 SAMUEL 9:3 - Edisana ñwed Abasi Ibom

³ Ekem mme ass Kish ete Saul esop. Ndien Kish ɔdɔhɔ Saul eyen esie, ete, Mbɔk, da akparawa kiet asaŋa ye afo, nyuŋ daha ke enyɔŋ, ka koyom mme ass.

1 SAMUEL 9:3 Referans Kwoze

1 SAMUEL 10:2

Adaŋemi afo ɔnyɔŋde ɔkpɔŋ mi mfin emi, afo eyesim owo iba ke ɔtɔ udi Rachel ke adaŋa Benjamin ye Zelzah; ndien mmɔ eyedɔhɔ fi, ete ke ema ekut mme ass emi afo ekekade ndiyom: ndien, sese, usɔ ɔmɔkpɔŋ ikɔ mme ass, onyuŋ oyomo nsia abaŋa mbufo, ete, Ndinam didie mbaŋa eyen mi?

JUDGES 10:4

Enye onyuŋ enyene nditɔ-iren edip ye duop eke edorode ke ass edip ye duop, enyuŋ enyenede obio edip ye duop, emi ekerede Havvoth-jair, tutu osim mfin emi, ndien mmɔ edu ke isɔŋ Gilead.

JUDGES 5:10

Mbufo emi edorode ke mfia ass, emi etiede ke edesa, emi esaŋade ke usuŋ, ekwɔ, ekan mkpo mbon-utiga ke ebiet ukoi-mmɔŋ.

1 SAMUEL 9:2

Ndien enye enyene eyen kiet ekere Saul ata eti ye ediye akparawa; ndien owo eke eyede akan enye iduhe ke otu nditɔ Israel: kpukpru owo eda enye ke afara.

1 SAMUEL 9:4

Ndien enye asaŋa ke obot Ephraim, ndien asaŋa ke isɔŋ Shalishah ebe, edi ikwe mmɔ: ndien mmɔ esaŋa ke isɔŋ Shaalim ebe, edi mmɔ iduhe: enye onyuŋ asaŋa ke isɔŋ Benjamin ebe, edi ikwe mmɔ.

1 SAMUEL 9:20

Ndien ama edi mme ass fo oro ekesopde nte usen ita ekebe, kukere mmɔ; koro ema ekut mmɔ. Ndien ofuri Israel ke eyom anie owo? Nte idige afo ye ofuri ufɔk usɔ?

1 SAMUEL 10:14

Ekem eyen-ete Saul ɔdɔhɔ enye ye owo esie, ete, Mbufo ekeka mmɔŋ? Ndien enye ɔbɔrɔ ete, Ndiyom mme ass: ndien adaŋemi nnyin ikokutde ite ke mmɔ iduhe, nnyin ika ɔtɔ Samuel.