1 SAMUEL 8:4 - Edisana ñwed Abasi Ibom

⁴ Ekem kpukpru mbiowo Israel esop idem ɔtɔ kiet, ndien etiene Samuel ke Ramah.

1 SAMUEL 8:4 Referans Kwoze

1 SAMUEL 7:17

Enye akam afiak ke Ramah: koro ufɔk esie odude do; onyuŋ ekpe ikpe Israel do; do ke enye onyuŋ anam itie-uwa ɔnɔ Jehovah.

2 SAMUEL 5:3

Ntre ke kpukpru mbiowo Israel etiene edidem ke Hebron; ndien edidem David onyuŋ odiomi ediomi ye mmɔ ke Hebron ke iso Jehovah: ndien mmɔ eyet David aran enim ke edidem Israel.

EXODUS 24:1

NDIEN enye ɔdɔhɔ Moses, ete, Dɔk tiene Jehovah, afo, ye Aaron, ye Nadab, ye Abihu, ye mbiowo Israel ata ye duop; mbufo enyuŋ eda nsan-nsan etuak ibuot.

EXODUS 3:16

Ka kosop ye mme ebio-owo Israel, nyuŋ dɔhɔ mmɔ ete, Jehovah Abasi mme ete mbufo, Abasi Abraham, ye eke Isaac, ye eke Jacob okowut mi idem, ete, Mmotim nse mbufo, ye se enamde mbufo ke Egypt:

1 SAMUEL 8:10

Ndien Samuel etiŋ kpukpru ikɔ Jehovah ɔnɔ kpukpru mmɔ eke ebeŋede enye edidem.

1 SAMUEL 11:3

Ndien mbiowo Jabesh edɔhɔ enye, ete, Yak nnyin ke usen itiaba, man nnyin idɔŋ mme isuŋutom ke ofuri adaŋa Israel: ndien owo eke anyaŋade nnyin miduhe, nnyin iyewɔŋɔ itiene fi.

2 SAMUEL 3:17

Ekem Abner eneme nneme ye mbiowo Israel, ete, Mbufo ekeyom David ke edidem mbufo totoko:

1 SAMUEL 1:19

Ekem eyo esiere, mmɔ ebak edemere, etuak ibuot ke iso Jehovah, ndien efiak eka ke ufɔk mmɔ ke Ramah. Ndien Elkanah ɔfiɔk Hannah ŋwan esie; Jehovah onyuŋ eti enye;