1 SAMUEL 7:1 - Edisana ñwed Abasi Ibom

¹ NDIEN mbio-obio Kiriath jearim eka ekeda ekebe Jehovah edɔk, enyuŋ eda enye ekesin ke ufɔk Abinadab ke obot, enyuŋ enim Eleazer eyen esie, ete enye ekpeme ekebe Jehovah.

1 SAMUEL 7:1 Referans Kwoze

ISAIAH 52:11

Mbufo edaŋa! edaŋa! ewɔŋɔ ke esit! ekutuk ŋkpɔ ndek: ewɔŋɔ enye ke ufɔt; mbufo emi ebiomde ŋkpɔ utom Jehovah, enam idem mbufo esana.

ŊWED MME PSALM 132:6

Sese, nnyin ikokop ke Ephrathah ibaŋa enye: ikokut enye ke obot inwaŋ.

1 SAMUEL 6:21

Ndien mmɔ edɔŋ mme isuŋutom ekedɔhɔ mme andiduŋ Kiriath-jearim, ete, Mme Philistine ema eyak ekebe Jehovah; mbufo esuhɔre edida enye edɔk ke ɔtɔ idem mbufo.

JOSHUA 18:14

Enyuŋ enim adaŋa, ndien enye ɔwɔŋɔre ke eke edem usop-utin, aka usuk-usuk, ɔtɔŋɔde ke obot emi ekemde Beth-horon ke edem usuk; ndien utit esie atuak ke Kiriath-baal, enye edi Kiriath-jearim, obio nditɔ Judah kiet: emi edi edem usop-utin.

JOSHUA 9:17

Ndien nditɔ Israel eda isaŋ edisim: ke obio mmɔ ke ɔyɔhɔ usen ita. Ndien obio mmɔ edi Gibeon, ye Chephirah, ye Beeroth, ye Kiriath jearim.

1 SAMUEL 7:2

Edikem, ini emi ekebe oro odude ke Kiriat-jearim ebigi, osim isua edip: ndien ofuri ufɔk Israel etua eyom Jehovah.

1 CHRONICLES 13:3

eyak nnyin inyuŋ ida ekebe Abasi nnyin idi ke ebiet nnyin: koro nnyin mikobupke (Abasi) ke esit ke eyo Saul.