1 SAMUEL 6:13 - Edisana ñwed Abasi Ibom

¹³ Ndien nditɔ Bethshemesh ke ekpeŋe wheat mmɔ ke itihere: ndien mmɔ emenere enyin mmɔ ekut ekebe, enyuŋ edat esit ndikut.

1 SAMUEL 6:13 Referans Kwoze

JOSHUA 15:10

ndien adaŋa oto ke Baalah akanade aka edem usop-utin, tutu osim ke obot Seir, ndien ebe aka edem obot Jearim ke edem edere-edere (enye edi Chesalon), ndien enye ɔsuhɔre aka ke Beth-shemesh, ndien ebe aka Timnah:

1 SAMUEL 6:12

Ndien enaŋ oro eneŋere eduk ke usuŋ emi akade usuŋ Bethshemesh; mmɔ esaŋa ke ɔkpɔusuŋ, esaŋa emai, iwahake ika nnasia, inyuŋ iwahake ika ufien; mbɔŋ mme Philistine enyuŋ etiene mmɔ ke edem tutu esim ke adaŋa Beth-shemesh.

1 SAMUEL 6:14

Ekem ukpat ŋkpɔ oro oduk ke iŋwaŋ Joshua eyen Bethshemesh kiet, ndien atuak ada do, emi akamba itiat odude: ndien mmɔ eda ukpat ŋkpɔ oro esiak ifia, enyuŋ efɔp mme enaŋ ke edifɔp uwa enɔ Jehovah.