1 SAMUEL 6:12 - Edisana ñwed Abasi Ibom

¹² Ndien enaŋ oro eneŋere eduk ke usuŋ emi akade usuŋ Bethshemesh; mmɔ esaŋa ke ɔkpɔusuŋ, esaŋa emai, iwahake ika nnasia, inyuŋ iwahake ika ufien; mbɔŋ mme Philistine enyuŋ etiene mmɔ ke edem tutu esim ke adaŋa Beth-shemesh.

1 SAMUEL 6:12 Referans Kwoze

NUMBERS 20:19

Ndien nditɔ Israel edɔhɔ enye, ete, Nnyin iyesaŋa ke ɔkpɔ-usuŋ: ndien edieke ami ye ufene mi iŋwɔŋde mmɔŋ fo nyenɔ fi ŋkpɔ ke esit: ndinamke baba ŋkpɔ kiet, ibɔhɔke ke ndisaŋa ke ukot mi mbe.

1 SAMUEL 6:9

Ndien mbufo ese, enye ama ɔdɔk ke usuŋ adaŋa esie aka Bethshemesh, edi enye akanam nnyin akamba idiɔk-ŋkpɔ emi: midige ntre, nnyin iyefiɔk ite ke idige ubɔk esie akamia nnyin; ke edi ŋkpɔ eke okokoide okoi anam nnyin.

1 SAMUEL 6:11

Ndien mmɔ edori ekebe Jehovah ke ukpatŋkpɔ, ye ekpri ekebe ye usine gold, ye mbiet akpasak mmɔ.

1 SAMUEL 6:13

Ndien nditɔ Bethshemesh ke ekpeŋe wheat mmɔ ke itihere: ndien mmɔ emenere enyin mmɔ ekut ekebe, enyuŋ edat esit ndikut.

EXODUS 8:15

Ekem adaŋemi Pharaoh okutde nte nduɔk-odudu odude, enye ɔsɔŋɔ esit esiemɔ, inyuŋ ikopke inɔ mmɔ; kpa nte emi Jehovah ɔkɔdɔhɔde.

JOSHUA 15:10

ndien adaŋa oto ke Baalah akanade aka edem usop-utin, tutu osim ke obot Seir, ndien ebe aka edem obot Jearim ke edem edere-edere (enye edi Chesalon), ndien enye ɔsuhɔre aka ke Beth-shemesh, ndien ebe aka Timnah:

1 NDIDEM 4:9

Ben-hur, ke obot Ephraim: Bendeker, ke Makaz, ye ke Shaalbim, ye Beth-shemesh, ye Elon-bethhanan: