1 SAMUEL 5:3 - Edisana ñwed Abasi Ibom

³ Ndien mbio-obio Ashdod ebak edemere ke eyo esierede, ndien, sese, Dagon ana okubi iso ke isɔŋ ke iso ekebe Jehovah.

1 SAMUEL 5:3 Referans Kwoze

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

MARK 3:11

Ndien ini ekededi eke ndidehe spirit ekutde Enye, mmɔ eduɔ Enye ke iso, enyuŋ efiori ete, Afo edi Eyen Abasi.

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

ISAIAH 41:7

Ndien andisɔi ɔsɔŋ anditara esit, andidɔnɔ ke hammer ɔsɔŋ andidom ke itiat-utim, ɔdɔhɔ abaŋa isobo, ete, Enye ɔfɔn. Onyuŋ ɔsɔŋɔ enye ke okpukwak, enye idisehekede.

ISAIAH 40:20

Owo eke ananade ŋkpɔ uwa emek eto eke midibuhu: oyom enyene-ibuot owo-usɔ ke idem esie, eke edinamde edisɔi mbiet, eke midisehekede.

ŊWED MME PSALM 97:7

But eyenam kpukpru mmɔ eke enamde ŋkpɔ enɔ edisɔi mbiet, enyuŋ eburede mbure ke mbiet ŋkpɔ: mbufo kpukpru abasi etuak ibuot enɔ enye.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

1 SAMUEL 6:5

Mbufo enam ndien mbiet akpasak mbufo, ye mbiet usine mbufo emi ebiatde isɔŋ; ntre ke mbufo edikpono Abasi Israel: mme enye eyesuk ubɔk esiemɔ odorore mbufo ke idem, ye ke idem mme abasi mbufo, ye ke isɔŋ mbufo.

1 SAMUEL 6:1

NTRE ke ekebe Jehovah odu ke isɔŋ mme Philistine ke ofuri ɔfiɔŋ itiaba.

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

ŊWED MME PSALM 115:7

se ubɔk mmɔ, edi itukke ŋkpɔ: se ukot mmɔ, edi isaŋake: mmɔ inyuŋ isioroke uyo ke itɔŋ mmɔ.