1 SAMUEL 4:2 - Edisana ñwed Abasi Ibom

² Ekem mme Philistine etim udim-ekɔŋ ndiŋwana ye Israel: ndien ekɔŋ eyi; Israel enyuŋ esuana ke iso mme Philistine; ndien mmɔ ewot esim tɔsin owo inaŋ ke udim ke ɔtɔ oro.

1 SAMUEL 4:2 Referans Kwoze

ŊWED ESEME 3:40

Yak nnyin iduŋɔre inyuŋ idomo usen nnyin, inyuŋ ifiak edem itiene Jehovah.

1 SAMUEL 17:21

Ntre ke Israel ye mme Philistine etim udim-ekɔŋ, udim ɔbiɔŋɔ udim.

1 SAMUEL 17:8

Ndien enye ada do ofiori mbon-ekɔŋ Israel, onyuŋ ɔdɔhɔ mmɔ, ete, Ke didie ke mbufo ewɔŋɔ nditim udim-ekɔŋ? Nte ami ndige Philistine? Nte mbufo idige ikɔt Saul? Mbufo esio owo kiet ke idem mbufo, man enye ɔsuhɔre etiene mi,

JOSHUA 7:12

Ndien nditɔ Israel ikwe nte edade ke iso mme asua mmɔ, mmɔ ekpa edem enɔ mme asua mmɔ, koro mmɔ edide ŋkpɔ nsobo: ndinyuŋ nduhe aba ye mbufo, ke mbufo misoboke ŋkpɔ nsobo ke otu mbufo ifep.

1 SAMUEL 4:1

NDIEN uyo Samuel osim ofuri Israel. Ekem Israel ewɔŋɔ eka ekɔŋ ye mme Philistine, enyuŋ enam nna ekɔŋ ke mben Eben-ezer: mme Philistine enyuŋ enam nna ke Aphek.

1 SAMUEL 4:3

Ndien adaŋemi mmɔ edukde ke nna - ekɔŋ, mbiowo Israel edɔhɔ ete, Nsinam Jehovah asuande nnyin mfin emi ke iso mme Philistine? Eyak nnyin idɔŋ ekeda ekebe ediomi Jehovah ke Shiloh esɔk nnyin, man enye edi ke otu nnyin, onyuŋ anyaŋa nnyin osio mme asua nnyin ke ubɔk.

1 SAMUEL 4:10

Ndien mme Philistine eŋwana ekɔŋ; ndien Israel esuana; kpukpru owo enyuŋ efeŋe itɔk eka ke tent mmɔ: mmɔ enyuŋ ewot ata ediwak owo; ndien tɔsin nditɔ Israel edip ye duop eke esaŋade ke ikpat, eduɔŋɔ.

LEVITICUS 26:37

Ndien mmɔ eyeduɔŋɔ kiet ke enyɔŋ eken, nte ke iso ofut, ke ini owo mibineke: mbufo idinyuŋ inyeneke ukeme nte edade ke iso mme asua mbufo.

NUMBERS 14:45

Ndien mme Amalekite ye mme Canaanite emi eduŋde ke obot oro, esuhɔre ekewot mmɔ, enyuŋ esuan mmɔ, tutu esim ke Hormah.