1 SAMUEL 3:17 - Edisana ñwed Abasi Ibom

¹⁷ Ndien enye ɔbɔrɔ ete, Se mi mi. Ndien enye obup enye ete, Enye eketiŋ nso ikɔ ye afo? Mbɔk, kudip mi. Abasi osuk anam ntre ye afo, onyuŋ ɔdɔdiɔŋ anam, edieke afo odipde mi ikɔ ekededi ke kpukpru ŋkpɔ oro enye ɔkɔdɔhɔde fi.

1 SAMUEL 3:17 Referans Kwoze

2 SAMUEL 3:35

Ekem kpukpru owo edi ndinam David adia ŋkpɔ ke eyo mika ikutke, edi David ɔŋwɔŋɔ ete, Abasi osuk anam mi ntem, onyuŋ anam aka iso, edieke ntabide uyo mme ŋkpɔ ekededi ke utin mika-isopke.

RUTH 1:17

nyekpa ke ebiet eke afo edikpade, nyeyuŋ mbuhɔ do; yak Jehovah anam mi ntem, onyuŋ ɔdɔdiɔŋ anam ntem, ke midige mkpa mkpa adianare mi ye afo.

MATTHEW 26:63

Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.

MICAH 2:7

Afo emi ekerede ufɔk Jacob, nte emesibe spirit Jehovah ɔmuhɔ? Nte mmɔ emi edi ido esie? Nte ikɔ mi ifɔnke ye owo eke eneŋerede asaŋa?

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

ŊWED MME PSALM 141:5

Yak owo eti ido amia mi ke ima, onyuŋ asua ɔnɔ mi: aran ibuot ke ibuot mi idisinke, koro osuk edide: ndien nyebɔŋ akam mbaŋa mme idiɔk ŋkpɔ mmɔ.

1 NDIDEM 22:16

Ndien edidem ɔdɔhɔ enye, ete, Adaŋa didie ke ami ndiwuk fi, nte okutiŋ ke mibɔhɔke akpanikɔ unɔ mi ke enyiŋ Jehovah?

2 SAMUEL 19:13

Mbufo enyuŋ edɔhɔ Amasa, ete, Nte afo udige ɔkpɔ mi, ye obukidem mi? Yak Abasi anam ntre ye ami, onyuŋ anam ntre aka iso, edieke afo mududige etubom mbon-ekɔŋ ke iso mi kpukpru ini ke ibuot Joab.

1 SAMUEL 20:13

Jehovah osuk anam ntre ye Jonathan, onyuŋ anam aka iso: edi edieke ete mi amade ndinam fi idiɔk-ŋkpɔ, nyenyuŋ nsian fi, nnyuŋ nyak fi ɔnyɔŋ ke emem: ndien Jehovah osuk odu ye afo, kpa nte okodude ye ete mi.

1 SAMUEL 3:16

Ndien Eli okot Samuel, onyuŋ ɔdɔhɔ enye, ete, Samuel, eyen mi.

1 SAMUEL 25:22

Abasi osuk anam ntre ɔnɔ mme asua David, onyuŋ anam ntre aka iso, ke mma ŋkpɔŋ eyen-eren kiet ke otu kpukpru se enye enyenede, ke eyo esierede.

JEREMIAH 38:14

Ndien Zedekiah edidem ɔdɔŋ ekeda Jeremiah prophet esɔk enye ke ɔyɔhɔ enyin-usuŋ ita emi odude ke ufɔk Jehovah; ndien edidem ɔdɔhɔ Jeremiah, ete, Ami mmɔŋ mbup fi ŋkpɔ kiet; kudip mi baba ikɔ kiet.

JEREMIAH 42:4

Ndien Jeremiah prophet ɔdɔhɔ mmɔ, ete, Mmokop; sese, ami nyekpe Jehovah Abasi mbufo ubɔk, nte ekemde ke uyo mbufo; ndien ama ekem nyesian mbufo kpukpru ikɔ emi Jehovah edibɔrɔde mbufo: ndidipke mbufo baba ikɔ kiet.

NUMBERS 23:17

Ndien adaŋemi enye osimde enye, sese, enye ke adada ke ɔtɔ ufɔp uwa eise, ye mbɔŋ Moab ŋko. Ndien Balak obup enye, ete, Jehovah ɔdɔhɔ didie?

1 SAMUEL 14:44

Ndien Saul ɔdɔhɔ ete, Abasi osuk anam ntre, onyuŋ ɔdɔdiɔŋ anam ntre: afo udutreke ndikpa, Jonathan. Ndien kpukpru owo edɔhɔ Saul, ete,

2 SAMUEL 3:9

Yak abasi osuk anam ntre ye Abner, onyuŋ anam ntre aka iso, ke mmendinamke nnɔ David kpa nte Jehovah ɔkɔwɔŋɔde ɔnɔ enye,

2 SAMUEL 14:18

Ndien edidem ɔbɔrɔ, onyuŋ ɔdɔhɔ ŋwan oro, ete, Mbɔk, kudip mi ikɔ emi ami ndibupde fi. Ndien ŋwan ete, Yak ɔbɔŋ mi edidem ɔdɔhɔ, ndien.

2 NDIDEM 6:31

Yak Abasi anam mi ntem, onyuŋ anam aka iso, edieke ibuot Elisha eyen Shaphat edisuk adade enye ke idem mfin emi.