1 SAMUEL 3:13 - Edisana ñwed Abasi Ibom

¹³ Ŋkɔm mma ntiŋ nnɔ enye, nte ke ami ndinam ikɔ ye ufɔk esie tutu amama, mbaŋa mme oburobut ido emi enye ɔfiɔkde: emi nditɔ esie esinde idem mmɔ edi ŋkpɔ isuŋi, ndien enye mikakpanke mmɔ.

1 SAMUEL 3:13 Referans Kwoze

MATTHEW 10:37

Owo eke amade ete me eka akan Mi idotke ye Ami: owo eke onyuŋ amade eyen eren esie me eyen esie aŋwan akan Mi idotke ye Ami.

MME ŊKE 19:18

Tunɔ eyen fo ke ini idorienyin odude; kunyuŋ uyak esit fo oyom enye ndiwot.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.

1 SAMUEL 2:17

Ntre ke idiɔk ido mkparawa oro ekpon ekan ke iso Jehovah: koro mmɔ esinde mbon oro ese uwa Jehovah ke ndek.

EZEKIEL 18:30

Mmɔdo Ɔbɔŋ Jehovah ɔdɔhɔde ete, Nyekpe ikpe ye mbufo, O ufɔk Israel, ye kpukpru owo nte ekemde ke usuŋ mmɔ. Mbufo ekabare enyuŋ esioŋo idem mbufo efep ke kpukpru mme oburobut ido mbufo, man ukwaŋ-ŋkpɔ okunam mbufo etak.

EZEKIEL 7:3

Utit, ata utit emedi ke edem isɔŋ mbinaŋ. Ke emi utit omosim fi, ndien nyedɔŋ iyaresit mi etiene fi, nnyuŋ ŋkpe ikpe ye afo, nte asaŋade ye ido fo; nnyuŋ mmen kpukpru mbubiam fo ndori fi ke idem.

1 NDIDEM 1:6

Ndien ete esie akanam iyatke enye esit, ete, Anam didie afo anam ntem? enye onyuŋ edi ata ediye owo; ndien eka esie aman enye adian Absalom.

MME ŊKE 29:15

Eto ye item enɔ owo eti ibuot: edi eyen eke eyakde enɔ idem esie, esin eka esie but.

1 JOHN 3:20

koro Abasi okponde akan esit nnyin, onyuŋ ɔfiɔkde kpukpru ŋkpɔ.

JOEL 3:12

Yak mme idut edemere enyuŋ edɔk edi ke ebedeŋ Jehoshaphat: koro nyetie do ŋkpe ikpe kpukpru mme idut emi ekande ekuk.

ECCLESIASTES 7:22

koro esit fo ŋko ɔfiɔkde, ete ke afo ŋko ama onyuŋ osuŋi owo efen ediwak ini.

2 CHRONICLES 20:12

O Abasi nnyin nte afo udukpehe ikpe ye mmɔ? koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye afo.

1 NDIDEM 2:44

Ndien edidem onyuŋ ɔdɔhɔ Shimei, ete, Afo ɔmɔfiɔk kpukpru mme idiɔk ido emi esit fo otimde obure, emi afo akanamde David ete mi: Jehovah omonyuŋ ada idiɔk ido fo odori fi ke ibuot.

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

DEUTERONOMY 21:18

Ke ini owo edinyenede eyen itun ye eke usɔŋ-enyin, eke mikopke ete esie ye eka esie uyo, ndien mmɔ ema enyuŋ enɔ enye ufen, edi enye mikopke uyo mmɔ: