1 SAMUEL 26:15 - Edisana ñwed Abasi Ibom

¹⁵ Ndien David ɔdɔhɔ Abner, ete, Nte afo udige eren-owo? Anie owo onyuŋ ebiet fi ke Israel? Nsinam ndien mukpemeke usɔ, edidem? koro owo kiet okodukde ete iwot edidem ɔbɔŋ fo.

1 SAMUEL 26:15 Referans Kwoze

1 SAMUEL 26:14

ndien David ofiori okot mbon oro, ye Abner eyen Ner, ete, Oro uyereke, Abner? Ndien Abner eyere, ete, Afo emi ofioride okot edidem edi anie owo?

1 SAMUEL 26:16

Ŋkpɔ oro afo akanamde idige eti. Ma uwem Jehovah, mbufo emedot mkpa, koro mbufo mikekpemeke ɔbɔŋ mbufo, emi Jehovah ekeyetde aran. Enye eduat edidem ŋko, ye abaŋ mmɔŋ emi ekedude ke ɔtɔ udoribuot esie?

2 SAMUEL 3:38

Edidem onyuŋ ɔdɔhɔ ikɔt esie, ete, Nte mbufo ifiɔkke ete ke ɔbɔŋ ye akamba owo ɔmɔduɔ mfin emi ke Israel?

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

MATTHEW 26:40

Ndien Enye etiene mbet, okut nte mmɔ edede, onyuŋ ɔdɔhɔ Peter ete, Nso idi emi? nte mbufo ikemeke nditiene Mi ŋkpeme ke hour kiet?