1 SAMUEL 24:3 - Edisana ñwed Abasi Ibom

³ Ndien enye okosim nna ŋkpri ufene ke usuŋ, emi aba itiat odude do; ndien Saul oduk aka ndifuk ukot esie: ndien David ye ikɔt esie etie do ke ŋkaŋ aba oro.

1 SAMUEL 24:3 Referans Kwoze

JUDGES 3:24

Adaŋemi enye ɔwɔrɔde, ikɔt esie (Eglon) edi edise; ndien, sese, ekekɔbi usuŋ ubet, ndien mmɔ edɔhɔ, ete, Mme enye ke ofuk ukot esie ke ubet usuhɔ-idem.

ŊWED MME PSALM 141:6

Emeduɔk mme ebierikpe mmɔ esin ke otu ikpɔ itiat: ndien mmɔ ekop ikɔ mi, koro mmɔ enemde.

1 SAMUEL 26:3

Ekem Saul anam nna ke mben usuŋ, ke obot Hachilah emi asakde iso ese Jeshimon. Edi David etie ke wilderness, onyuŋ okut ete ke Saul edi ndibine imɔ ke wilderness.

1 SAMUEL 13:2

Saul emek tɔsin owo ita ke Israel; ndien tɔsin iba edu ye Saul ke Michmash ye ke obot Bethel, tɔsin kiet eken enyuŋ edu ye Jonathan ke Gibeah Benjamin: enye onyuŋ ayak kpukpru owo eŋwen enyɔŋɔ ke mme tent mmɔ.

1 SAMUEL 26:2

Ndien Saul adaha ke enyɔŋ ɔsuhɔre ke wilderness Ziph, tɔsin edimek owo Israel ita enyuŋ esaŋa ye enye, man eyom David ke wilderness Ziph.