1 SAMUEL 24:10 - Edisana ñwed Abasi Ibom

¹⁰ Sese, mfin emi enyin fo emekut nte Jehovah akadade fi esin mi ke ubɔk mfin emi ke esit aba emi; ndien owo ɔdɔhɔ mi, ete ŋwot fi; edi ŋkatua fi mbɔm; nnyuŋ ndɔhɔ nte ke ndinyanke ubɔk mi ntuk ɔbɔŋ mi; koro edi enye ke Jehovah ekeyet aran.

1 SAMUEL 24:10 Referans Kwoze

ŊWED MME PSALM 105:15

Mbufo ekutuk mbon emi nyetde aran nnim ke idem mi, ekunyuŋ enam mme prophet mi idiɔk.

1 SAMUEL 24:4

Ndien ikɔt David edɔhɔ enye, ete, Sese, emi edi usen emi Jehovah ɔkɔdɔhɔde fi, ete, Sese, nyeda usua fo nsin fi ke ubɔk, man anam enye kpa nte afo amade. Ndien David adaha ke enyɔŋ, aka okosibe utɔŋ ekura Saul ke ndibe.

EXODUS 21:13

Ndien edieke enye minaŋa ibet, edi Abasi esin ɔduɔ enye ke ubɔk; ndien nyeda ebiet eke enye edifehede ika do nnim nnɔ fi.

1 SAMUEL 24:9

Ndien David ɔdɔhɔ Saul, ete, Nsinam afo okopde uyo owo, ete, Sese, David ke oyom ndinam fi ŋkpɔ?

ŊWED MME PSALM 7:3

O Jehovah Abasi mi, edieke ŋkanamde ŋkpɔ emi; edieke ukwaŋ-ŋkpɔ odude mi ke ekaubɔk;

ŊWED MME PSALM 7:4

edieke ndade idiɔk nsio usiene nnɔ ufan mi; nnyuŋ mbumede owo eke otukde mi ke ikpikpu:

ŊWED MME PSALM 125:3

Koro eto idiɔk ido mididorokede ke udeme nti owo ina; mbak nti owo edinyan ubɔk mmɔ etuk se idiɔkde.

LEVITICUS 19:16

Kusaŋa ubia mbia ke otu mbio-obio mbufo: kunyuŋ uyom iyip mbɔhiduŋ fo: ami ndi Jehovah.

EZEKIEL 22:9

Mmɔ eke esaŋade mbia man eduɔk iyip, ke edu ke ufɔt fo: mmɔ enyuŋ edia ŋkpɔ ke enyɔŋ obot ke ufɔt fo: enam oburobut ido ke ufɔt fo.