1 SAMUEL 23:9 - Edisana ñwed Abasi Ibom

⁹ Ekem David edifiɔk ete ke Saul ɔmɔŋ aduak imɔ idiɔk-ŋkpɔ ndinam: ndien enye ɔdɔhɔ Abiathar oku, ete, Da ephod di.

1 SAMUEL 23:9 Referans Kwoze

1 SAMUEL 30:7

Ndien David ɔdɔhɔ Abiathar oku, eyen Ahimelech, ete, Mbɔk, da ephod di nɔ mi. Ndien Abiathar ada ephod edi ke ɔtɔ David.

1 SAMUEL 23:6

Ndien ke ini Abiathar eyen Ahimelech ɔkɔbɔhɔde, efehe etiene David ke Keilah, ephod kiet ɔsuhɔre ke ubɔk esie.

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

UTOM MME APOSTLE 14:6

mmɔ efiɔk se iyomde nditibe, enyuŋ efeŋe eka Lystra ye Derbe, mme obio Lycaonia, ye isɔŋ eke akande edem oro okuk:

UTOM MME APOSTLE 9:24

Mmɔ enyuŋ etie ekpeme mme inua-otop ke uwemeyo ye ke okoneyo ndiwot enye; edi

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

1 SAMUEL 22:20

Edi eyen Ahimelech, eyen Ahitub, kiet, ekere Abiathar, ɔbɔhɔ, ndien enye efehe etiene David.

1 SAMUEL 14:18

Ndien Saul ɔdɔhɔ Ahijah, ete, Da ekebe Abasi di: koro ekebe Abasi odude ye nditɔ Israel ke ini oro.

1 SAMUEL 23:8

Ekem Saul owuk kpukpru owo, ete edi ekɔŋ, man esuhɔre eka Keilah, ekekan David ye ikɔt esie ekuk.

1 SAMUEL 23:10

Ndien David ɔdɔhɔ ete, O Jehovah Abasi Israel, owo fo omokop ete ke Saul oyom ndidi Keilah ndibiat obio mbaŋa mi.

1 NDIDEM 2:26

Ndien edidem ɔdɔhɔ Abiathar oku, ete, Nyɔŋ ka ke Anathoth ka iŋwaŋ fo; koro afo odotde mkpa: edi ŋwotke fi mfin emi, koro afo okobiomde ekebe Jehovah Ɔbɔŋ ebem David ete mi iso, koro afo okonyuŋ okutde ukut ke kpukpru se ete mi okokutde ukut ke esit.

HOSEA 3:4

Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

1 SAMUEL 10:22

Ndien mmɔ eyom enye, edi ikwe. Ndien mmɔ etɔŋɔ ntak ebup Jehovah, ete, Nte owo emi edidi ken? Ndien Jehovah ɔbɔrɔ ete, Sese, enye aka okodibe ke otu mkpoduoho.