1 SAMUEL 22:2 - Edisana ñwed Abasi Ibom

² Ndien kpukpru owo nnan-enyin, ye kpukpru owo isɔn, ye kpukpru owo eke esit minemke mmɔ, esop idem ke ɔtɔ esie; enye onyuŋ akabare edi etubom mmɔ: ntre ke owo ikie inaŋ edu ye enye.

1 SAMUEL 22:2 Referans Kwoze

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

1 SAMUEL 30:6

ndien David etie ke ata itie ukut: koro kpukpru owo edɔhɔde ete itɔŋɔ enye ke itiat; koro esit ayatde kpukpru owo abaŋa nditɔ mmɔ iren ye iban: edi David ɔsɔŋɔ esit esie ke Jehovah Abasi esie.

1 SAMUEL 25:13

Ndien David ɔdɔhɔ ikɔt esie, ete, Mbufo kpukpru ebɔbɔ ofut mbufo. Ndien kpukpru owo ebɔbɔ ofut mmɔ; David onyuŋ ɔbɔbɔ ofut esie ŋko: ndien owo ikie inaŋ etiene David edɔk; ikie iba enyuŋ esuk ye ŋkpɔ mmɔ.

1 SAMUEL 23:13

Ndien David ye ikɔt esie, owo ikie itiokiet edaŋa, eto ke Keilah ewɔŋɔ, enyuŋ eka edem emi mmɔ eyomde ndika. Ndien mmɔ ekesian Saul ete ke David ama oto ke Keilah efehe ɔbɔhɔ; ndien enye etre ndiwɔrɔ ŋka.

1 SAMUEL 9:16

Adaŋemi mkpɔŋ nyedɔŋ owo oto ke isɔŋ Benjamin etiene fi, ndien da aran yet enye nim ke etubom ikɔt mi Israel; ndien enye eyenyaŋa ikɔt mi osio mme Philistine ke ubɔk: koro mmese ikɔt mi, koro eseme mmɔ omosim mi.

1 SAMUEL 1:10

Ndien esit ɔdiɔk enye, (Hannah), enye onyuŋ ekpe Jehovah ubɔk, onyuŋ atua ɔkpɔsɔŋ eyet.

JUDGES 11:3

Ndien Jephthah efehe ɔkpɔŋ nditɔ-ete esie, aka ɔkɔduŋ ke isɔŋ Tob: mme oburobut owo enyuŋ edian idem ye Jephthah, enyuŋ esaŋa ye enye ewɔrɔ.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

MATTHEW 11:12

Edi ɔtɔŋɔde ke mme usen John Baptist tutu osim emi, Obio Ubɔŋ Heaven akpa unyaŋa, mbom unyaŋa enyuŋ eda enye ke nsɔŋubɔk enyene.

MME ŊKE 31:6

Da mmin nɔ owo eke oyomde ndikpa: nyuŋ da wine nɔ mmɔ eke esit ayatde mmɔ.

2 NDIDEM 20:5

Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.

2 SAMUEL 17:8

Ndien Hushai ɔdɔhɔ ete, Afo ɔmɔfiɔk usɔ ye ikɔt esie, ete ke mmɔ edi mbon uko, esit onyuŋ ayat mmɔ, nte bear eke ewotde nditɔ esie ke ikɔt; usɔ onyuŋ edi owo ekɔŋ, idinyuŋ idaŋke ke otu mmɔ eken ke okoneyo.

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

JUDGES 18:25

Ndien nditɔ Dan edɔhɔ enye, ete, Kuyak ekop uyo fo ke otu nnyin, mbak mbon iyaresit edibumere mbufo, ndien afo ɔduɔk uwem fo, ye uwem ufɔk fo.

1 SAMUEL 22:3

Ekem David oto do aka Mizpeh Moab: ɔkɔdɔhɔ edidem Moab, ete, Mbɔk, yak ete mi ye eka mi ewɔrɔ etiene fi, tutu ndifiɔk se Abasi edinamde ye ami.

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.