1 SAMUEL 22:13 - Edisana ñwed Abasi Ibom

¹³ Ndien Saul ɔdɔhɔ enye, ete, Nsinam mbufo edukde odu ebaŋa mi, afo ye eyen Jesse, emi afo ɔkɔnɔde udia ye ofut, okonyuŋ obupde uyo Abasi ɔnɔ enye, man enye adaha ke enyɔŋ etie edet, ete inam mi ŋkpɔ, kpa nte edide mfin emi?

1 SAMUEL 22:13 Referans Kwoze

1 SAMUEL 22:8

eke esinde kpukpru mbufo eduk odu ebaŋa mi, baba owo kiet eke asiande mi, ete ke eyen mi ama odiomi ediomi ye eyen Jesse, inyuŋ iduhe; baba owo mbufo kiet inyuŋ ituaha mi mbɔm, inyuŋ isianke mi, ite ke eyen mi edemere owo mi, ete enye etie ebet man anam mi ŋkpɔ, kpa nte edide mfin emi?

AMOS 7:10

Ndien Amaziah oku ke Bethel ɔdɔŋ ekedɔhɔ Jeroboam edidem Israel, ete, Amos omoduk odu abaŋa fi ke ufɔt Israel; isɔŋ ikemeke ndiyɔ kpukpru ikɔ esie.

ŊWED MME PSALM 119:69

Mbon iseri edɔk nsu edori mi: edi mmonim item fo ke ofuri esit mi.

1 SAMUEL 22:12

Ndien Saul ɔdɔhɔ ete, Eyen Ahitub, kop ndien. Ndien enye ɔdɔhɔ ete, Se mi mi, ɔbɔŋ mi.