1 SAMUEL 2:29 - Edisana ñwed Abasi Ibom

²⁹ Nsinam mbufo edigide mme uwa mi ke ukot, ye inuak-udia mi, emi ŋkowukde ke ebiet iduŋ mi? Afo omonyuŋ okpono nditɔ fo akan mi ke erinam idem mbufo ekpon ke akpan kpukpru mme uwa Israel ikɔt mi.

1 SAMUEL 2:29 Referans Kwoze

MATTHEW 10:37

Owo eke amade ete me eka akan Mi idotke ye Ami: owo eke onyuŋ amade eyen eren esie me eyen esie aŋwan akan Mi idotke ye Ami.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

LUKE 14:26

Edieke owo etienede Mi, ndien misuaha ete esie, ye eka esie, ye ŋwan esie, ye nditɔ esie, ye nditɔ-eka esie iren, ye nditɔ-eka esie iban, ye uwem esie ŋko, enye ikemeke ndidi owo mbet Mi.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

MATTHEW 22:16

Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

HOSEA 4:8

Mmɔ edia idiɔk ido ikɔt mi, enyuŋ esin esit mmɔ ke mme ukwaŋ-ŋkpɔ mmɔ.

EZEKIEL 34:2

tiŋ prophecy, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ mme ɔbɔk erɔŋ, ete: Ɔdɔdiɔk ɔnɔ mme ɔbɔk-erɔŋ Israel emi ebɔkde idem mmɔ. Nte mme ɔbɔk ikpebɔkke ufene?

JOSHUA 18:1

EKEM ofuri esop nditɔ Israel esop idem ke Shiloh, enyuŋ ewuk efe esop do. Ndien isɔŋ ana suŋ ke iso mmɔ.

DEUTERONOMY 33:9

emi ɔdɔhɔde abaŋa ete esie ye eka esie, ete, Nsehe enye; minyuŋ idiɔŋɔke nditɔ-eka esie, minyuŋ ifiɔkke nditɔ esiemɔ: koro mmɔ ekpemede ikɔ Fo, enyuŋ enimde ediomi Fo.

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

EZEKIEL 13:19

Nte mbufo eyenyuŋ esabare mi enɔ ikɔt mi ke uyɔhɔ ubɔk barley ye ke ŋkeŋe uyo, man ewot ukpɔŋ eke midikpaha, enyuŋ eda ukpɔŋ eke mididuhe uwem enim ke uwem, ke erisu emi mbufo esude enɔ ikɔt mi emi ekopde nsu.

1 SAMUEL 3:13

Ŋkɔm mma ntiŋ nnɔ enye, nte ke ami ndinam ikɔ ye ufɔk esie tutu amama, mbaŋa mme oburobut ido emi enye ɔfiɔkde: emi nditɔ esie esinde idem mmɔ edi ŋkpɔ isuŋi, ndien enye mikakpanke mmɔ.

ŊWED MME PSALM 26:8

O Jehovah, mmama iduŋ ufɔk fo, ye ebiet emi ubɔŋ fo oduŋde.

EZEKIEL 34:10

Ntem ke Ɔbɔŋ Jehovah ɔdɔhɔ ete, Sese, ami mmɔŋ nnam ikɔ ye mme ɔbɔk-ufene; nyenyuŋ nyom ufene mi ke ubɔk mmɔ, nnyuŋ nnam mmɔ etre ndibɔk ufene; mme ɔbɔk idinyuŋ ibɔkke aba idem mmɔ; ndien nyesio mmɔ ufene mi ke inua, ndien mmɔ ididige aba udia mmɔ.

2 NDIDEM 12:6

Edikem ke ɔyɔhɔ isua edidem Jehoash edip ye ita, mme oku ika idiɔŋke ŋwure ufɔk.