1 SAMUEL 2:2 - Edisana ñwed Abasi Ibom

² Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.

1 SAMUEL 2:2 Referans Kwoze

2 SAMUEL 22:32

Koro anie edi Abasi ke mibɔhɔke Jehovah? Anie onyuŋ edi akwa itiat ke mibɔhɔke Abasi nnyin?

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ŊWED MME PSALM 86:8

O Ɔbɔŋ, baba kiet ke otu mme abasi ibietke fi; baba ŋkpɔ kiet inyuŋ ibietke se afo anamde.

ŊWED MME PSALM 89:8

O Jehovah, Abasi mme udim, anie ɔsɔŋɔ nte afo, Jehovah?

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

1 PETER 1:16

koro ewet ntem ete, Mbufo edisana, koro Ami ndide edisana

JEREMIAH 10:6

Baba ŋkpɔ kiet ibietke fi, O Jehovah; afo omokpon, enyiŋ fo omonyuŋ okpon ke odudu.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

DEUTERONOMY 3:24

ɔmɔtɔŋɔ ndida ubom fo, ye nsɔŋubɔk fo, ŋwut owo fo: koro ewe Abasi eke ekemede ndinam ŋkem ye utom fo, ye odudu fo, odu ke enyɔŋ, mme ke isɔŋ?

LEVITICUS 19:2

Mbufo edi edisana: koro ami Jehovah Abasi mbufo ndide edisana.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ŊWED MME PSALM 99:5

Mbufo ekpono Jehovah Abasi nnyin, enyuŋ etuak ibuot ke ɔtɔ udorukot esie: enye edi edisana.

ŊWED MME PSALM 89:6

Koro anie ke ikpa-enyɔŋ ekem ye Jehovah? Anie ke otu nditɔ ikpɔ owo ebiet Jehovah?

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.

ŊWED MME PSALM 73:25

Ami nnyene anie ke enyɔŋ?

ŊWED MME PSALM 71:19

Ndien O Abasi, eti ido fo osim ke enyɔŋ, afo emi anamde ikpɔ ŋkpɔ: O Abasi, anie ebiet fi?

ŊWED MME PSALM 71:3

Nim idem fo nɔ mi nte akwa itiat iduŋ, eke ŋkade do kpukpru ini: afo omowuk ete enyaŋa mi; koro afo edide akwa itiat mi ye ɔkpɔsɔŋ ufɔk mi.

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

DEUTERONOMY 32:20

Ndien enye ɔdɔhɔ ete, Nyedip mmɔ iso mi, nyekut nte utit mmɔ editiede: koro mmɔ edide ndisime emana, nditɔ eke akpanikɔ miduhe mmɔ ke esit.

DEUTERONOMY 4:35

Ema ewut fi, man afo ɔfiɔk ete ke Jehovah edi Abasi; efen iduhe idian ye enye.

ŊWED MBON ROME 4:8

Ɔfɔfɔn ɔnɔ owo emi Jehovah midibatke mme ukwaŋkpɔ inɔ enye.

2 SAMUEL 7:22

Mmɔdo afo omokpon, O Jehovah Abasi: koro baba kiet mibietke fi, Abasi inyuŋ iduhe ke mibɔhɔke afo, ke kpukpru se nnyin ikekopde ke utɔŋ nnyin.

2 SAMUEL 22:3

Abasi akwa itiat mi; nyebuɔt idem mi ye enye: otu-ekɔŋ mi, ye nduk erinyaŋa mi, edikoŋ tower mi, ye ebiet ubɔhɔ mi, andiyaŋa mi; afo anyaŋa mi osio ke nnama.

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

ŊWED MME PSALM 18:31

Koro anie edi Abasi, ke mibɔhɔke Jehovah? anie onyuŋ edi akwa itiat ke mibɔhɔke Abasi nnyin?

ŊWED MME PSALM 99:3

Mmɔ eyetoro akwa enyiŋ ndik fo: enye edi edisana.

LEVITICUS 11:44

Koro ami ndide Jehovah Abasi mbufo; enam idem mbufo esana ndien, enyuŋ edi edisana: koro ami nsanade; ekunyuŋ esabare idem mbufo ke baba andinyɔni kiet eke ɔnyɔnide ke isɔŋ.

LEVITICUS 11:45

Koro ami ndide Jehovah emi nsiode mbufo ke isɔŋ Egypt ndɔk ndi, man ndi Abasi mbufo: mbufo edi edisana ndien: koro ami nsanade.

DEUTERONOMY 4:39

Ɔfɔn fi ɔfiɔk, ndien, mfin emi, onyuŋ ekere ke esit fo, ete ke Jehovah edi Abasi ke ata enyɔŋ, ye ke isɔŋ ke idak; efen iduhe.