1 SAMUEL 19:4 - Edisana ñwed Abasi Ibom

⁴ Ndien Jonathan etiŋ eti ikɔ ye Saul ete esie abaŋa David, onyuŋ ɔdɔhɔ enye, ete, Yak edidem okunam idiɔk ido ye owo esie, David: koro enye mikanamke idiɔk ido ye afo, koro se enye akanamde onyuŋ ɔfɔfɔn ye afo eti-eti:

1 SAMUEL 19:4 Referans Kwoze

JEREMIAH 18:20

Nte edida idiɔk esio usiene eti? Koro mmɔ etibide obube enɔ ukpɔŋ mi. Ti nte ŋkadade ke iso fo, ndidɔhɔ nti ŋkpɔ mbaŋa mmɔ, man nnam iyaresit fo akabare ɔkpɔŋ mmɔ.

GENESIS 42:22

Ndien Reuben ɔbɔrɔ mmɔ, ete, Nte ŋkɔdɔhɔke mbufo, nte, Ekunam idiɔk ye eyen oro, ndien mbufo ikopke? mmɔdo, sese, ke eyeyom iyip esie.

MME ŊKE 17:13

Owo ama anam idiɔk ke usiene eti, idiɔk-ŋkpɔ ididahake ke ufɔk esie.

1 SAMUEL 20:32

Ndien Jonathan ɔbɔrɔ Saul ete esie, onyuŋ ɔdɔhɔ enye, ete, Enye edikpa abaŋa nso? Enye akanam nso?

ŊWED MME PSALM 35:12

Mmɔ eda idiɔk esio mi usiene eti, ebɔ ukpɔŋ mi ŋkpɔ.

1 SAMUEL 22:14

Ahimelech ɔbɔrɔ edidem, ete, Ndien anie ke otu kpukpru ikɔt fo etie nte David, owo akpanikɔ, ye ukot edidem, emi onyuŋ edide owo mbet fo kiet, onyuŋ enyenede ukpono ke ufɔk fo?

1 ŊWED CORINTH 8:12

Ntre, ke emi mbufo enamde nditɔ-ete mbufo idiɔk ntem, enyuŋ esinde mmɔ eda unan ke mmem-mmem esit mmɔ, mbufo edue Christ

2 CHRONICLES 6:22

Edieke owo ediduede mbɔhɔ-iduŋ esie, ndien owo odori enye uŋwɔŋɔ, man anam enye ɔŋwɔŋɔ uŋwɔŋɔ, ndien uŋwɔŋɔ oro ama edi ke iso itie-uwa fo ke ufɔk emi:

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.

GENESIS 9:6

Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

1 JOHN 3:15

Kpukpru owo eke asuade eyen-ete esie edi obom: ndien mbufo efiɔk ete, baba obom kiet inyeneke nsinsi uwem ke esit esie.

ŊWED MME PSALM 59:4

Idiɔk ido iduhe, ndien mmɔ efeŋe eka eketim idem mmɔ.