1 SAMUEL 17:51 - Edisana ñwed Abasi Ibom

⁵¹ Ndien David efehe aka akada Philistine ke idem, omum ofut esie osio ke efɔk, ndien owot enye, onyuŋ ada ofut ebigi enye ibuot. Ndien adaŋemi mme Philistine ekutde ete ke owo uko mmimɔ akpa, mmɔ efeŋe.

1 SAMUEL 17:51 Referans Kwoze

MME HEBREW 11:34

ebɔhɔ iso ofut, ewɔŋɔ ekpɔŋ mmem-idem ekabare ekop idem, ewɔŋɔ edi uko ke ekɔŋ, enyuŋ enam udim-ekɔŋ mme idut efeŋe.

1 SAMUEL 21:9

Ndien oku ɔdɔhɔ ete, Ofut Goliath Philistine oro afo okowotde ke itihere Elah, sese, enye ɔmɔbɔbɔ ke ɔfɔŋ ke edem ephod: afo ama oyom enye, da, koro efen miduhe mi ke mibɔhɔke enye. Ndien David ɔdɔhɔ ete, Baba kiet ibietke enye, nɔ mi oro.

2 SAMUEL 23:21

enye onyuŋ owot eyen Egypt kiet, emi edide ediye owo: eduat onyuŋ odu eyen Egypt ke ubɔk; edi enye ada eto ɔsuhɔre etiene enye, akafabare eyen Egypt eduat ke ubɔk, ada eduat esie oro owot enye.

MME HEBREW 2:14

Sia nditɔ ebuanade ndien ke iyip ye obuk, Jesus ke Idem Esie ŋko etiene ada iyip ye obuk kpa ntre; man Enye akpasaŋa ke mkpa osobo enye emi akamade odudu mkpa,

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

1 SAMUEL 17:50

Ntre ke David ada utop-itiat ye itiat akan Philistine oro, onyuŋ ɔtɔ Philistine owot; edi ofut iduhe David ke ubɔk.

1 SAMUEL 21:10

Ntre ke David adaha ke usen oro efehe ɔkpɔŋ Saul, ndien aka ke ebiet Achish ɔbɔŋ Gath.

1 SAMUEL 31:9

Ndien mmɔ ebigi enye ibuot, enyuŋ esio enye ŋkpɔ-ekɔŋ ke idem, enɔ esaŋa ke isɔŋ mme Philistine ekan ekuk, ete eketɔt ke ufɔk ibɔk mmɔ, ye ke otu kpukptu mbio-obio.

2 SAMUEL 4:7

Ntre ke mmɔ ekeduk ke ufɔt ufɔk, ke ini enye anade ke bed esie ke ubet nna esie, enyuŋ ekim enye ewot, enyuŋ ebigi enye ibuot, emen ibuot esie esaŋa ke usuŋ itihere Jordan ke ofuri okoneyo.