1 SAMUEL 16:16 - Edisana ñwed Abasi Ibom

¹⁶ Mbɔk, ete nnyin, dɔhɔ ikɔt fo emi edude ke iso fo, ete eyom owo eke ɔfiɔkde ndibre harp: ndien ama ekem adaŋemi idiɔk spirit Abasi anamde fi, yak enye ada ubɔk esie ebre, ndien eyefɔn fi.

1 SAMUEL 16:16 Referans Kwoze

2 NDIDEM 3:15

Mbufo eda ndien ebre harp esɔk mi. Ndien edikem adaŋemi ebre-harp ebrede, ubɔk Jehovah edidoro enye ke idem.

1 NDIDEM 10:8

Ɔfɔfɔn ye ikɔt fo, ɔfɔfɔn ye mme asaŋutom fo emi edade fi ke iso kpukpru ini, enyuŋ ekopde eti ibuot fo.

1 SAMUEL 19:9

Edikem idiɔk spirit oto Jehovah ediduk Saul ke idem, enye onyuŋ etie ke ufɔk esiemɔ ye eduat esie ke ubɔk: David onyuŋ ebre harp ke ubɔk.

1 SAMUEL 18:10

Edikem ke usen efen, idiɔk spirit Abasi oduk Saul ke idem, ndien enye adama ke ufɔk: ndien David ebre harp ke ubɔk esie, nte enye akam esinamde: eduat onyuŋ odu Saul ke ubɔk.

1 SAMUEL 10:5

Oro ama ebe afo eyesim ke obot Abasi, emi mbon-ukpeme mme Philistine edude do: ama ekem, adaŋemi afo edisimde do ke obio, eyesim udim prophet eke etode ke edikoŋ ebiet esuhɔre, psaltery, ye ekɔmɔ, ye obukpoŋ, ye harp enyuŋ ebem mmɔ iso; ndien mmɔ eyenam prophecy:

GENESIS 41:46

Ndien Joseph osim isua edip ye duop ke ini enye adade ke iso Pharaoh edidem Egypt. Ndien Joseph adaha ke iso Pharaoh, onyuŋ asaŋa ebe ke ofuri isɔŋ Egypt.

1 SAMUEL 16:14

Ndien spirit Jehovah ɔkpɔŋ Saul, idiɔk spirit emi otode Jehovah onyuŋ ɔtuhɔ enye.

1 SAMUEL 16:15

Ndien ikɔt Saul edɔhɔ enye, ete, Mbɔk, sese, idiɔk spirit Abasi ke ɔtɔtuhɔ fi.

1 SAMUEL 16:17

Ndien Saul ɔdɔhɔ ikɔt esie, ete, Mbufo eyom ndien owo eke otimde ɔfiɔk ndibre, enɔ mi,