1 SAMUEL 16:11 - Edisana ñwed Abasi Ibom

¹¹ Ndien Samuel obup Jesse, ete, Nte mkparawa ekure? Ndien enye ɔbɔrɔ ete, Eyenɔwɔŋ osuk kaŋa, ndien sese, enye ke ekpeme ŋkpri ufene. Ndien Samuel ɔdɔhɔ Jesse ete. Dɔŋ ekeda enye edi: koro nnyin midisuhɔkede itie tutu enye edi ken.

1 SAMUEL 16:11 Referans Kwoze

2 SAMUEL 7:8

Dɔhɔ ntem, ndien ye owo mi David, ete, Ntem ke Jehovah mme udim ɔdɔhɔ, ete, Ami ŋkosio fi ke nna-erɔŋ emi afo etienede ŋkpri ufene, man afo edi etubom ikɔt mi Israel:

1 CHRONICLES 17:7

Kam ndien dɔhɔ ntem ye David owo mi, ete, Ntem ke Jehovah mme udim ɔdɔhɔ, ete, Ami ŋkada fi ke ebiet ufene, ke eritiene ufene, mfep, man afo edi ɔbɔŋ ikɔt mi Israel;

2 SAMUEL 13:3

Amnon onyuŋ enyene ufan kiet, ekere Jonadab, eyen Shimeah, eyenete David: Jonadab onyuŋ edi ata ɔfiɔkŋkpɔ owo.

1 SAMUEL 17:28

Ndien Eliab akpan ete esie okop nte enye ɔdɔhɔde ye mmɔ oro; ndien Eliab ayat esit ye David, onyuŋ ɔdɔhɔ ete, Nsinam afo ɔsuhɔrede edi mi? Afo okonyuŋ ɔkpɔŋ mkpata ŋkpri ufene oro ke wilderness ɔnɔ anie? Ami mmɔ-fiɔk iseri fo, ye idiɔk esit fo; koro afo ɔsuhɔrede edi ekɔŋ ndikut.

1 SAMUEL 16:10

Ntre ke Jesse akanam nditɔ-iren esie itiaba esaŋa ke iso Samuel ebe. Ndien Samuel ɔdɔhɔ Jesse, ete, Jehovah imekke mmɔ emi.

EXODUS 3:1

NDIEN Moses ɔbɔk ufene Jethro, oku Midian, ete ŋwan esie; ndien enye ada ufene oro aka ke edem wilderness, onyuŋ osim ke Horeb obot Abasi.