1 SAMUEL 14:1 - Edisana ñwed Abasi Ibom

¹ EDIKEM ke usen oro Jonathan eyen Saul ɔdɔhɔ akparawa emi akamade ŋkpɔ-ekɔŋ esie, ete, Di, nnyin ibe ika ke ɔtɔ mbon-ekɔŋ mme Philistine emi edude ke edem oko. Edi itiŋke inɔ ete esie.

1 SAMUEL 14:1 Referans Kwoze

MICAH 7:5

Mbufo ekunim uyo nsaŋa ke akpanikɔ, ekubuɔt idem ye ata ufan: kpeme usuŋ inua fo bak ŋwan emi anade fi ke ikpanesit.

1 SAMUEL 25:19

Ndien enye ɔdɔhɔ mkparawa esie, ete, Mbufo ebem mi iso: sese, ami mmɔŋ ntiene mbufo ke edem. Edi itiŋke inɔ Nabal ebe esie.

1 SAMUEL 13:22

Ndien edikem ke usen ekɔŋ, ikwe baba ofut, inyuŋ ikwe eduat ke ubɔk baba owo kiet eke odude ye Saul ye Jonathan: edi mmɔ ekut ke ubɔk Saul ye Jonathan eyen esie.

1 SAMUEL 13:2

Saul emek tɔsin owo ita ke Israel; ndien tɔsin iba edu ye Saul ke Michmash ye ke obot Bethel, tɔsin kiet eken enyuŋ edu ye Jonathan ke Gibeah Benjamin: enye onyuŋ ayak kpukpru owo eŋwen enyɔŋɔ ke mme tent mmɔ.

JUDGES 14:6

Ndien spirit Jehovah oduk enye ke idem, ndien enye awai lion nte akpawaide eyen ebot, ŋkpɔ inyuŋ iduhe enye ke ubɔk: edi enye isianke ete esie ye eka esie se enye akanamde.

JUDGES 6:27

Ndien Gideon ada ikɔt esie owo duop, onyuŋ anam kpa nte Jehovah ɔkɔhɔde enye: ndien, edikem, koro enye efehede ufɔk ete esie, ye mbio-obio, enye inamke ke uwemeyo, edi anam ke okoneyo.

1 SAMUEL 13:23

Ekem mbon-ekɔŋ mme Philistine ewɔŋɔ eka ke ebiet-ube ebedeŋ Michmash.

1 SAMUEL 14:2

Ndien Saul etie do ke utit Gibeah ke idak pomegranate emi odude ke Migron: ndien mmɔ eke edude ye enye esim owo ikie itiokiet;

JUDGES 14:9

Ndien enye ada enye ke ubɔk esie, asaŋa adia, edisim ete esie ye eka esie, onyuŋ ɔnɔ mmɔ edia: edi idɔhɔke mmɔ, ite ke imɔ ikosio aran-ɔkwɔk oro ke okpo lion oro.