1 SAMUEL 12:2 - Edisana ñwed Abasi Ibom

² Ndien, sese, ke emi edidem ke asaŋa mbufo ke iso: ami mmɔsɔŋ mmonyuŋ ntibe iwat; ndien, sese, nditɔ mi edu ye mbufo: ami mma nnyuŋ nsaŋa ke iso mbufo toto ke ini uyen mi tutu osim mfin emi.

1 SAMUEL 12:2 Referans Kwoze

1 SAMUEL 8:5

Ndien mmɔ edɔhɔ enye, ete, Sese, afo ɔmɔsɔŋ, ndien nditɔ fo isaŋake ke usuŋ fo: kam nim edidem nɔ nnyin, man enye ekpe ikpe nnyin kpa nte mme idut kpukpru.

1 SAMUEL 8:20

man nnyin inyuŋ ibiet kpukpru mme idut, man edidem nnyin onyuŋ ekpe ikpe nnyin, onyuŋ ebem nnyin iso ɔwɔrɔ ndiŋwana ekɔŋ nnyin.

1 SAMUEL 8:1

EDIKEM adaŋemi Samuel ɔsɔŋde, enye onim nditɔ esie ke mme ebierikpe Israel.

1 SAMUEL 8:3

Edi nditɔ esie isaŋake ke usuŋ esie, edi ewaha etiene udori, enyuŋ ebɔ inyene ekwaŋa ikpe.

NUMBERS 27:17

emi edibemde mmɔ iso ɔwɔrɔ, onyuŋ ebemde mmɔ iso oduk, emi edinyuŋ adade mmɔ ɔwɔrɔ, onyuŋ adade mmɔ oduk; man mbio esop Jehovah ekutie nte ufene eke minyeneke andikpeme.

2 PETER 1:14

sia mfiɔkde nte eyewara ndifut ataya mi nnim ŋkaŋ kiet, nte Ɔbɔŋ nnyin Jesus okowutde mi.

2 ŊWED TIMOTHY 4:6

Koro ke emi emɔŋ ediŋwaŋa mi eduɔk nte ediŋwɔŋ uwa, ini unyɔŋ mi ke ekpere.

ŊWED MME PSALM 71:18

Ndien ŋko, O Abasi, kukpɔŋ mi tutu nsim usɔŋ ye iwat, tutu nsiak ubɔk fo nnɔ emana emi, nsiak odudu fo nnɔ kpukpru mmɔ eke edidide.

1 SAMUEL 3:16

Ndien Eli okot Samuel, onyuŋ ɔdɔhɔ enye, ete, Samuel, eyen mi.

1 SAMUEL 3:13

Ŋkɔm mma ntiŋ nnɔ enye, nte ke ami ndinam ikɔ ye ufɔk esie tutu amama, mbaŋa mme oburobut ido emi enye ɔfiɔkde: emi nditɔ esie esinde idem mmɔ edi ŋkpɔ isuŋi, ndien enye mikakpanke mmɔ.

1 SAMUEL 2:29

Nsinam mbufo edigide mme uwa mi ke ukot, ye inuak-udia mi, emi ŋkowukde ke ebiet iduŋ mi? Afo omonyuŋ okpono nditɔ fo akan mi ke erinam idem mbufo ekpon ke akpan kpukpru mme uwa Israel ikɔt mi.

1 SAMUEL 2:22

Ndien Eli ɔsɔŋ eti-eti, enye onyuŋ okop kpukpru se nditɔ esie enamde ofuri Israel, ye nte mmɔ ekotde iban oro ekam ebonode ke enyin-usuŋ efe esop.

1 SAMUEL 3:10

Ndien Jehovah edi edida, onyuŋ okot kpa nte eke akpa, ete, Samuel, Samuel. Ndien Samuel ɔbɔrɔ, ete, Dɔhɔ; koro owo fo ɔmɔŋ okop.

JOSHUA 23:1

EDIKEM ke ediwak usen ema ekebe nte Jehovah ɔkɔnɔ Israel nduɔk-odudu ebɔhɔ kpukpru mme asua mmɔ emi ekande mmɔ ekuk, Joshua ama okonyuŋ akabare edi akani-eren, onyuŋ ɔsɔŋ eti-eti.

JOSHUA 23:2

Ndien Joshua okot ofuri Israel ye mbiowo mmɔ, ye mme ikpɔ owo mmɔ, ye mme ekpe-ikpe mmɔ, ye mme andidaha mmɔ, edi, ndien ɔdɔhɔ mmɔ, ete, Ami mmakabare nyedi akani, mmonyuŋ nsɔŋ eti-eti: