1 SAMUEL 11:9 - Edisana ñwed Abasi Ibom

⁹ Ndien mmɔ edɔhɔ mme isuŋutom oro ekedide, ete, Ntem ke mbufo edidɔhɔ mbio-obio Jabesh-gilead, ete, Mkpɔŋ erinyaŋa eyesim mbufo ke adaŋemi eyo ofiopde. Ndien mme isuŋutom oro eka eketiŋ enɔ mbio-obio Jabesh; ndien esit adat mmɔ.

1 SAMUEL 11:9 Referans Kwoze

ŊWED MME PSALM 18:17

Enye osio mi ubɔk mkpɔsɔŋ mme asua mi, ye ke ubɔk mmɔ eke etɔhɔde ye ami: koro mmɔ esɔŋde ekan mi.

JUDGES 21:8

Ndien mmɔ ebup, ete, Ewe esien Israel kiet odu emi mikɔdɔkke ke ɔtɔ Jehovah ke Mizpah? Ndien, sese, baba owo kiet ikotoho ke Jabesh-gilead idi ke esop ke nna-ekɔŋ.

1 SAMUEL 11:8

Ndien adaŋemi ebatde mmɔ ke Bezek, nditɔ Israel esim tɔsin owo ke itie ikie ita, ye nditɔ Judah tɔsin owo edip ye duop.

1 SAMUEL 11:10

Ndien mbio-obio Jabesh edɔhɔ ete, Mkpɔŋ, nnyin iyewɔŋɔ itiene mbufo, ndien mbufo enam nnyin kpukpru se mbufo emade.

1 SAMUEL 31:11

Ekem adaŋemi mme andiduŋ Jabesh-gilead ekopde ebaŋa enye, (ekop) se mme Philistine ekenamde ye Saul;

2 SAMUEL 2:5

Ndien David ɔdɔŋ mme isuŋutom ke ɔtɔ mbio-obio Jabesh-Gilead, ekedɔhɔ mmɔ, ete, Yak Jehovah osuk ɔdiɔŋ mbufo, emi ekenamde ufɔn emi enɔ ete mbufo, kpa Saul, ke emi mbufo ebukde enye.

1 CHRONICLES 10:12

Kpukpru mbon uko edaha ke enyɔŋ eka ekekɔŋɔre obukpit Saul, ye mbukpit nditɔ esie, eka ke Jabesh, enyuŋ ebuk ɔkpɔ mmɔ ke idak ofriyo ke Jabesh, enyuŋ etre udia usen itiaba.