1 SAMUEL 11:2 - Edisana ñwed Abasi Ibom

² Ndien Nahash eyen Ammon ɔbɔrɔ mmɔ, ete, Ntem ke ndinyime ndinam ediomi ye mbufo, mma ntibi mbufo kpukpru enyin nnasia, nnyuŋ nda enye ndori ofuri Israel ke esuene.

1 SAMUEL 11:2 Referans Kwoze

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

NUMBERS 16:14

Afo uka unyuŋ udaha nnyin uduk ke isɔŋ emi ɔfiɔrɔde mmɔŋ-eba ye aran-ɔkwɔk, uka unyuŋ unɔŋɔ nnyin iŋwaŋ ye iŋwaŋ vine ŋko inyene: nte afo oyom nditibi mbon emi enyin? Nnyin idige.

GENESIS 34:14

ndien mmɔ edɔhɔ mmɔ ete, Nnyin ikwe nte inamde ŋkpɔ emi, ndida eyen-ete nnyin aŋwan nnɔ owo emi edide edut; koro enye edide ŋkpɔ but

JEREMIAH 39:7

Enye onyuŋ etibi Zedekiah enyin, ndien ɔkɔbi ke ŋkpɔkɔbi okpoho, man ada enye aka Babylon.

MME ŊKE 12:10

Eti owo ekere uwem unam esie: edi mbɔm mme idiɔk owo edi mfiomo.

2 NDIDEM 18:31

Ekukop uyo Hezekiah: koro ntem ke edidem Assyria ɔdɔhɔ, ete, Mbufo enam emem ye ami, enyuŋ ewɔŋɔ etiene mi, ndien kpukpru owo edia vine mmɔ, ye fig mmɔ, kpukpru owo enyuŋ eŋwɔŋ mmɔŋ ke obube mmɔ:

JUDGES 16:21

Ndien mme Philistine emum enye, enyuŋ etibe enye enyin, enyuŋ eda enye esuhɔre ke Gaza, ndien ekɔbi enye ke ibuka okpoho, ndien enye etie ke ufɔk ŋkpɔkɔbi ɔkɔk.

EXODUS 3:6

Enye onyuŋ ɔdɔhɔ ŋko ete, Ami ndi Abasi usɔ, Abasi Abraham, ye Abasi Isaac, ye Abasi Jacob. Ndien Moses ofuk iso esie: koro enye efehede Abasi ndise.

1 SAMUEL 12:12

Ekem ke ini mbufo ekutde nte Nahash edidem nditɔ Ammon edide ndiŋwana ekɔŋ ye mbufo, mbufo edɔhɔ mi, ete, Ih ih, yak edidem kiet ada ubɔŋ nnyin adaŋemi Jehovah Abasi mbufo edide edidem mbufo.

ŊWED MME PSALM 44:13

Onim nnyin ke ŋkpɔ nsahi mbɔhɔ-iduŋ nnyin, ye ke se mmɔ eke ekande nnyin ekuk, esuenede enyuŋ esakde.

1 SAMUEL 11:10

Ndien mbio-obio Jabesh edɔhɔ ete, Mkpɔŋ, nnyin iyewɔŋɔ itiene mbufo, ndien mbufo enam nnyin kpukpru se mbufo emade.