1 SAMUEL 1:22 - Edisana ñwed Abasi Ibom

²² Ndien Hannah idɔkke: edi enye ɔdɔhɔ ebe esie, ete, ŋkaha tutu eyen adaha ke eba, ndien nyeda enye ŋka, man ekut enye ke iso Jehovah, man enye onyuŋ adaŋ do ke nsinsi.

1 SAMUEL 1:22 Referans Kwoze

1 SAMUEL 1:28

ndien ŋko ami nda enye mbuot Jehovah: adaŋa ini nte enye edidude uwem, enye edi ebuɔt Jehovah. Ndien enye ɔnuhɔ do ke iso Jehovah.

1 SAMUEL 1:11

Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.

LUKE 2:22

Ke adaŋemi mme usen erinam mmɔ esana ekemde, nte ibet Moses etemede, mmɔ eda Eyen edi ke Jerusalem, ndiyak nnɔ Jehovah (nte ewetde ke ibet Jehovah ete,

1 SAMUEL 3:1

NTRE ke eyen oro Samuel anam ŋkpɔ Jehovah ke iso Eli. Ikɔ Jehovah onyuŋ edi ŋkpɔ uto ke usen oro; ŋkukut iwakke wak.

1 SAMUEL 2:18

Ntre ke Samuel anam ŋkpɔ ke iso Jehovah, nte eyenɔwɔŋ, ɔbɔbɔ ephod linen.

1 SAMUEL 2:11

Ekem Elkanah ɔnyɔŋ ke Ramah ke ufɔk esie. Ndien eyen oro anam ŋkpɔ Jehovah ke iso Eli oku.

DEUTERONOMY 16:16

Yak kpukpru iren-owo fo ewut Jehovah idem mmɔ utim ikata ke isua ke ebiet emi enye edimekde; ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya: ndien yak owo okudi ke iso Jehovah ubɔk-ubɔk:

LEVITICUS 25:23

Ekunyam isɔŋ ke tak-tak: koro isɔŋ edide okimmɔ; koro mbufo edide isen owo ye mme oduduŋ eke eduŋde ye ami.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

ŊWED MME PSALM 110:4

Jehovah ɔmɔŋwɔŋɔ, idinyuŋ ituaha mkpɔfiɔk, Afo edi nsinsi oku, nte utɔ Melchizedek asaŋade.

ŊWED MME PSALM 27:4

Mmebeŋe Jehovah ŋkpɔ kiet, ndien nyeyom enye; nte nduŋ ke ufɔk Jehovah ke ofuri uwem mi, man nse uyai Jehovah, nnyuŋ ntim mbup ke temple esie.

ŊWED MME PSALM 23:6

Mfɔn ye ima ikpɔŋ eyebine mi ke ofuri eyo uwem mi; ndien nyeduŋ ke ufɔk Jehovah ke nsinsi.

JOSHUA 4:7

Ndien mbufo edibɔrɔ mmɔ ete, Mmɔŋ Jordan ama ekekpehe ke iso ekebe ediomi Jehovah; adaŋaemi enye ebede Jordan, mmɔŋ Jordan ekpehe: ndien mme itiat emi eyena ke editi ŋkpɔ nditɔ Israel ke nsinsi.

EXODUS 21:6

ndien ete esie ada enye ɔsɔk mme ebierikpe; onyuŋ ada enye aka ke itim, mme obubɔk enyin-usuŋ; ndien ete esie ada utibi-ŋkpɔ otibi enye utɔŋ; ndien enye edidi ofin esie ke nsinsi.

1 SAMUEL 13:13

Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.

1 SAMUEL 28:2

Ndien David ɔbɔrɔ Achish, ete, Mmɔdo afo eyefiɔk se owo fo edinamde. Ndien Achish ɔdɔhɔ David, ete, Mmɔdo nyenim fi ke andikpeme ibuot mi kpukpru ini.