1 PETER 4:8 - Edisana ñwed Abasi Ibom

⁸ Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

1 PETER 4:8 Referans Kwoze

MME ŊKE 10:12

Usua edemere utɔk: edi ima ofuk kpukpru ndudue.

ŊWED MBON COLOSSAE 3:14

Ndien ekɔrɔ ke kpukpru ŋkpɔ, esine ima, emi edide se ibɔpde uwem adiana inam ɔfɔn ama.

MME ŊKE 17:9

Owo eke ofukde ndudue oyom ima: edi owo eke ɔtɔŋɔde ntak emen ikɔ obuk, adianare mme ufan.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

JAMES 5:20

owo eke akabarede anam-idiɔk osio ke ndudue usuŋ esie, eyenyaŋa ukpɔŋ esie ke mkpa, onyuŋ ofuk ekese mme idiɔk-ŋkpɔ.

1 ŊWED CORINTH 13:1

ŊKPESEM usem mme owo ye eke mme angel, ndien nnyeneke ima, mmakabare nyomo uyom nte akpa ŋkpaŋ, nnyuŋ nsioro uyo nte ekpri ŋkanika.

1 ŊWED THESSALONICA 3:12

Ɔbɔŋ akpakam onyuŋ anam mbufo ekɔri enyene ima ɔyɔhɔ ɔyɔhɔ ye kiet eken, enyuŋ enyene ima ye kpukpru owo, kpa nte nnyin inyenede ye mbufo;

MME HEBREW 13:1

YAK ima mbufo ye nditɔ-ete osuk amana ada.

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

MME ŊKE 18:13

Owo ndibɔrɔ ikɔ, ke mikaikopke kaŋa, edi ndisime ye but ye enye.

MME ŊKE 12:16

Ndisime ayarare iyaresit esie ini kiet: edi owo eke ofukde ŋkpɔ but edi ɔniɔŋ.

3 JOHN 1:2

Edima ufan, mbɔŋ akam nte ŋkpɔ efɔn ye afo ke kpukpru usuŋ, idem onyuŋ ɔsɔŋ fi, kpa nte ɔfɔnde ye afo ke ukpɔŋ.

JAMES 5:12

Akpa-akpan, nditɔ-ete mi, ekutomo ŋkpɔ. Ekutomo enyɔŋ, mme isɔŋ mme baba ŋkpɔ efen.Edi yak Ih mbufo edi Ih, Ih mbufo onyuŋ edi Ih, mbak ikpe edibiom mbufo.

1 ŊWED CORINTH 13:4

Ima enyenyene anyan ime, onyuŋ ɔfɔn ido; ima ifibeke ufup;