1 PETER 4:4 - Edisana ñwed Abasi Ibom

⁴ ndien idem akpa mmɔ oro, ke emi mbufo minyimeke aba ndisaŋa ye mmɔ nduk ke ɔkpɔsɔŋ otime uwem oro, mmɔ enyuŋ esuŋi mbufo.

1 PETER 4:4 Referans Kwoze

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

JUDE 1:10

Edi memmɔ emi esuŋi se ededi eke mmɔ mifiɔkke; mme ŋkpɔ eke mmɔ enyuŋ efiɔkde ke nda-mana, nte ŋkpɔ uwem eke minyeneke ibuot, ewɔrɔ edi nsobo enɔ mmɔ.

UTOM MME APOSTLE 13:45

Edi ke ini mme Jew ekutde otu owo, ufup ɔyɔhɔ mmɔ ke esit, mmɔ enyuŋ eneni mme ŋkpɔ eke Paul etiŋde, enyuŋ esuŋi.

2 PETER 2:22

Ɔwɔrɔ ye mmɔ ada ekekem ye ŋke akpanikɔ emi, Ebua akabare adia se ɔkpɔhide; Edi eke ekeyetde mmɔŋ afiak aka ndiwere ke mbat.

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.

ŊWED MBON ROME 13:13

Yak nnyin isaŋa ukpono-ukpono, nte owo asaŋade ke uwemeyo; ikusaŋa ke otime-otime ido ye mbuŋwɔŋi, ikusaŋa ke use ye mbubiam ido, ikusaŋa ke utɔk ye ufup.

LUKE 15:13

Ibigike bigi udɔ ataŋ kpukpru se enyenede, adaha aka anyan idut; ndien do ke enye asuan inyene esie ke eridu otime uwem.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

MATTHEW 23:25

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eyetde edem cup ye usan asana, edi esit mmɔ eyɔhɔ ye uŋwo ye unana ufat ke idem.