1 PETER 4:2 - Edisana ñwed Abasi Ibom

² man mbufo ekuda aba ini eke ɔsuhɔde ɔnɔ mbufo ke obukidem esaŋa edu uwem ke mme idiɔk itɔŋ esit owo, edi esaŋa nte uduak Abasi edide.

1 PETER 4:2 Referans Kwoze

1 PETER 1:14

Nte nditɔ nsuk-ibuot, ekukama aba idem ekekem ye mme idiɔk udɔŋ eke mbufo ekenyenede, ke adaŋemi enanade ifiɔk;

ŊWED MBON EPHESUS 6:6

Ekunam utom enyin owo, nte mbon mbukpek, edi enam se Abasi amade ye esit kiet nte ifin Christ;

ŊWED MBON ROME 6:11

Kpa ntre ŋko ke mbufo ebat ete, ima ikpa iwɔrɔ ikpɔŋ idiɔk-ŋkpɔ, edi ke idu uwem inɔ Abasi ke Christ Jesus.

2 ŊWED CORINTH 5:15

Enye okonyuŋ akpa abaŋa kpukpru owo, man mme odu-uwem ekudu uwem aba enɔ idem mmɔ, edi edu uwem enɔ Enye emi akakpade abaŋa mmɔ, onyuŋ esetde.

ŊWED MBON EPHESUS 2:3

Kpukpru nnyin ŋko ikonyuŋ isaŋa ye mmɔ ke ini oko, idu uwem ke idiɔk itɔŋ obukidem nnyin, inam se idɔŋde obukidem ye ekikere nnyin, ikonyuŋ idi nditɔ iyaresit ke uduot nnyin, kpa nte mmɔ eken.

ŊWED MBON ROME 6:2

Nsa nnyin O! Nnyin, emi ima ikakpaŋa iwɔrɔ ikpɔŋ idiɔk-ŋkpɔ, idinam didie idu uwem ke esit aba?

ŊWED MBON EPHESUS 4:17

Mmɔdɔhɔ ndien ntem, nnyuŋ nsɔŋɔ ntiŋ ke Ɔbɔŋ, nte mbufo ekusaŋa aba nte mme Gentile efen esaŋade, ke ikpikpu ekikere mmɔ;

ŊWED MBON ROME 14:7

Koro baba owo nnyin kiet iduhe uwem inɔ idem esie, baba owo kiet inyuŋ ikpaha inɔ idem esie.

1 PETER 2:1

MMƆDO eduɔŋɔ kpukpru udu, ye kpukpru ŋkari, ye mbubik, ye ufup, ye kpukpru idiɔk ibaŋa;

ŊWED MME PSALM 143:10

Teme mi ndinam se afo amade: koro afo edide Abasi mi: spirit fo ɔmɔfɔn, yak enye ada mi aka ke isɔŋ edinen ido.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

MARK 7:21

Koro mme idiɔk ekikere eto ke esit owo ewɔŋɔ, ye use, inɔ,

MARK 3:35

Koro owo ekededi eke anamde se Abasi amade, enye edi eyen-eka Mi eren ye eyen-eka Mi aŋwan ye eka Mi.

HOSEA 6:7

Ndien mmɔ ebiet owo, ke ebiat ediomi: do ke mmɔ ekebiaŋa mi.

1 JOHN 2:17

Ndien ererimbot ke ebebe efep, ye mbumek esie; edi owo eke anamde se Abasi amade odudu ke nsinsi.

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

1 ŊWED THESSALONICA 5:18

Enɔ ekɔm ke kpukpru ŋkpɔ; koro emi edi se Abasi amade mbufo enam ke Christ Jesus.

ŊWED MBON COLOSSAE 1:9

Ke ntak emi, toto ke usen emi ikokopde ŋkpɔ emi, nnyin ŋko idopke ndibɔŋ akam mbaŋa mbufo, ndinyuŋ nnam mkpe-ubɔk ite, Abasi akpakam anam mbufo eyɔhɔ ye ifiɔk uduak Esie ke kpukpru eti ibuot ye ikike ke ŋkpɔ Spirit;

ŊWED MBON EPHESUS 5:17

Mmɔdo ekudi mme ɔkɔi, edi etim efiɔk se Ɔbɔŋ amade.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

ŊWED MBON ROME 7:4

Mmɔdo nditɔ-ete mi, ekeda ikpɔhidem Christ esin mbufo ekpaŋa ewɔrɔ ke idak ibet, kpaŋ mbufo ekpekabare ediana ye Owo efen, kpa Enye emi ekesetde ke mkpa, man nnyin isioŋo mfri inɔ Abasi.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

MATTHEW 21:31

Anie ke otu mmɔ mbiba anam se ete esie oyomde? Mmɔ ete, Udɔ. Jesus ɔdɔhɔ mmɔ ete, Ke akpanikɔ ke ndɔhɔ mbufo nte, mme publican ye mme akpara ebem mbufo iso eduk ke Obio Ubɔŋ Abasi.

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

MATTHEW 7:21

Idige kpukpru owo emi ekotde Mi ete, Ɔbɔŋ, Ɔbɔŋ, ediduk ke Obio Ubɔŋ Heaven; edi owo eke anamde uyo Ete Mi emi odude ke Heaven.

ŊWED MBON COLOSSAE 4:12

Epaphras, owo mbufo kiet, emi edide owo Christ Jesus, ete ekɔm mbufo; enye edi owo emi aŋwanade kpukpru ini ke akam esie oyom ufɔn mbufo: man mbufo efɔn ema, enyuŋ etim efiɔk ofuri uduak Abasi.

ŊWED MBON COLOSSAE 3:3

Koro mbufo ema ekpa ema, uwem mbufo onyuŋ odibe ye Christ ke Abasi.

MATTHEW 20:4

Mbufo ŋko eduk ke iŋwaŋ-vine, ndien nyenɔ mbufo se inende. Ndien mmɔ eka.