1 PETER 4:16 - Edisana ñwed Abasi Ibom

¹⁶ edi edieke owo okutde ndutuhɔ nte owo Christ, yak enye okukop but, edi akam ɔnɔ Abasi ubɔŋ ye enyiŋ emi.

1 PETER 4:16 Referans Kwoze

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;

1 PETER 4:19

Ntem ke ɔfɔn mmɔ emi ekutde ndutuhɔ nte uduak Abasi edide eyak ukpɔŋ mmɔ ke erinam eti ŋkpɔ esin ke ubɔk Andibot, emi edide Abasi akpanikɔ.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

ŊWED MBON PHILIPPI 1:20

koro mmenyene mbuɔtidem ye idori-enyin nte, but idinamke mi ke baba ŋkpɔ kiet, edi ye ofuri uko, nte kpukpru ini, kpasuk ntre ke emi, Christ eyenyene ukpono ke idem mi, ekpedi ke uwem ekpedi ke mkpa.

ISAIAH 50:7

Ndien Ɔbɔŋ Jehovah eyenyaŋa mi; mmɔdo nsia miyomoke mi: mmɔdo ŋkonimde iso mi nte itiat a fransi, ndien mmɔfiɔk nte ke but idinamke mi.

UTOM MME APOSTLE 26:28

Ndien Agrippa ɔdɔhɔ Paul ete, Kpa ke ekpri eritiŋ emi ɔdɔŋ fi ndinam mi ŋkabare ndi Christian.

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

UTOM MME APOSTLE 11:26

ndien ke ini okutde enye, ada enye edi ke Antioch. Ntre ke mmɔ ebono ye ufɔk Abasi ke ofuri isua kiet, enyuŋ ekpep ediwak owo ŋkpɔ. Ndien ebem iso esio mbet enyiŋ Christian ke Antioch.

UTOM MME APOSTLE 28:22

Edi iyom ndikop se ekerede ke inua fo: edi ama edi ŋka emi, nnyin imɔfiɔk ite mme owo etiŋ ŋkpɔ ebiat enye ke kpukpru ebiet.

JAMES 2:7

Nte mmɔ isuŋike eti Enyiŋ emi ekotde mbufo edian?

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

1 PETER 4:14

Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.