1 PETER 3:22 - Edisana ñwed Abasi Ibom

²² emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.

1 PETER 3:22 Referans Kwoze

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 10:12

edi Oku emi, ke ini Enye ama akawa uwa kiet abaŋa mme idiɔk-ŋkpɔ, ɔsuhɔre etetie ke ubɔk nasia Abasi ke nsinsi:

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

MME HEBREW 8:1

KE mme ŋkpɔ eke idɔhɔde emi edi iso-ŋkpɔ: nnyin imenyene Akwa Oku emi edide ntem, emi ama ɔsuhɔre etetie ke ubɔk nnasia ebekpo Andinyene-ubɔŋ ke mme heaven,

MME HEBREW 6:20

ke ebiet emi Jesus ama ebe oduk ke esit nte Ebe-iso ɔnɔ nnyin, ke Enye ama akabare edi Akwa Oku ke nsinsi, nte utɔ Melchizedek asaŋade.

ŊWED MBON COLOSSAE 3:1

EDIEKE ekanamde mbufo eset ye Christ ndien, eyom ŋkpɔ enyɔŋ, emi Christ odude do etie ke ubɔk nnasia Abasi.

ŊWED MBON ROME 8:38

Koro mmotim mbure mfiɔk nte, mkpa ye uwem, ye mme angel ye mbɔŋ, ye ŋkpɔ eke edude ke emi, ye ŋkpɔ eke edidide, ye mme odudu,

ŊWED MBON ROME 8:34

Edi Abasi etebe mmɔ ikpe; anie edibiom mmɔ? Ndi Christ Jesus emi akakpade, ŋkpakam ndɔhɔ nte, Jesus emi ekesetde ke mkpa, emi odude ke ubɔk nnasia Abasi, emi onyuŋ anamde mkpe-ubɔk ɔnɔ nnyin?

MATTHEW 22:44

Jehovah ɔdɔhɔ ye Ɔbɔŋ Mi ete, Tie ke ubɔk nnasia Mi, Tutu nda mme asua fo nnim Fi ke idak ukot?

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

1 ŊWED CORINTH 15:24

Edikem ke edisim utit ini, emi Enye ediyakde itie-ubɔŋ Esie ɔnɔ Abasi, kpa Ete Esie; ke Enye ama okosobo kpukpru erikara ye kpukpru nsɔŋ-uyo ye odudu.

UTOM MME APOSTLE 3:21

emi heaven enyenede ndibɔ kaŋa ŋkama, tutu osim ini emi edinamde kpukpru ŋkpɔ etɔŋɔ ntak efɔn ema, kpa ini emi Abasi eketiŋde abaŋa enye ke inua ndisana prophet Esie, emi ekodude toto ke eritɔŋɔ ererimbot

UTOM MME APOSTLE 1:11

Mbufo mbon Galilee, nsinam mbufo edade ese ikpa-enyɔŋ? Jesus emi, emi emende Enye ekpɔŋ mbufo eduk ke heaven, eyedi kpa ke ido emi mbufo ekutde Enye ɔnyɔŋde oduk ke heaven.

MARK 12:36

David ke idem esie etiŋ ke Edisana Spirit, ete, Jehovah ɔdɔhɔ Ɔbɔŋ mi ete, Tie Mi ke ubɔk nnasia, Tutu nda mme usua Fo nnim Fi ke udorukot.

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

MME HEBREW 1:13

Edi akananam Enye ɔdɔhɔ angel ewe ete, Tie ke ubɔk nnasia Mi, Tutu nnam mme asua Fo ekabare edi udorukot Fo?

LUKE 20:42

Koro David ke idem esie ɔdɔhɔ ke ŋwed mme Psalm, ete, Jehovah ɔdɔhɔ Ɔbɔŋ mi ete, Tie Mi ke ubɔk nnasia,

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MME HEBREW 1:6

Ŋko, ke adaŋemi Enye editɔŋɔde ntak ada Akpan Esie edi ke ererimbot, Enye ɔdɔhɔ ete, Yak kpukpru mme angel Abasi enyuŋ etuak ibuot enɔ Enye.

MME HEBREW 4:14

Sia nnyin inyenede ndien ata akamba Akwa oku, emi ama asaŋa ke mme heaven ebe, kpa Jesus Eyen Abasi, eyak nnyin idɔdiɔŋ isɔŋɔ inyime ite idi ikɔt Esie.

JOHN 13:32

Abasi eyenyuŋ ɔnɔ Enye ubɔŋ ke Idem Esie, onyuŋ ɔnɔ Enye ubɔŋ ke idem idahemi.