1 PETER 3:21 - Edisana ñwed Abasi Ibom

²¹ mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 PETER 3:21 Referans Kwoze

MARK 16:16

Owo eke onimde ke akpanikɔ onyuŋ anade baptism, eyenyaŋa enye; edi enye eke etrede ndinim ke akpanikɔ, ikpe eyebiom enye.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

ŊWED MBON GALATIA 3:27

Koro kpukpru mbufo emi ekanade baptism ebe eduk ke Christ ememen Christ esine.

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

ŊWED MBON EPHESUS 5:26

man Enye akpada mmɔŋ ɔkɔrɔ ye ikɔ Abasi eyet ɔkɔp esie,

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

1 ŊWED CORINTH 12:13

Koro ke Spirit kiet ke ema enim kpukpru nnyin baptism esin ke ikpɔhidem kiet, ye idide Jew inyuŋ idide Greek, idide ifin inyuŋ idide nditɔ: ema enyuŋ enam kpukpru nnyin iŋwɔŋ Spirit kiet isin ke idem.

ŊWED MBON COLOSSAE 2:12

mbufo ema ebuhɔ ye Enye ke baptism; ke enyuŋ eda baptism enam mbufo eset ye Enye, oto koro mbufo ebuɔtde idem ke odudu Abasi, emi akanamde Enye eset ke mkpa.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.

1ŊWED TIMOTHY 6:12

Ŋwana eti eŋwan mbuɔtidem; sɔŋɔ mum nsinsi uwem kama, emi ekokotde fi edida enyene, afo okonyuŋ etiŋ eti ikɔ mbuɔtidem ke iso ediwak ntiense.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

1 ŊWED CORINTH 4:6

Nditɔ-ete mi, mma nsio ikɔ emi nte ŋke, ntiŋ ndian idem mi ye Apollos, kabaŋa ufɔn mbufo; man mbufo eda nnyin ekpep se ikɔ emi ɔdɔhɔde ete, Kunam ŋkpɔ ube se ekewetde, ɔwɔrɔde; man mbufo ekunyuŋ ekohore idem, eda ye andikpep kiet, eŋwana ye andikpep eken.

UTOM MME APOSTLE 16:33

Kpa ke hour oro ke okoneyo enye ada mmɔ aka ekeyet nde ufen mmɔ; idaha oro ŋko enye ana bpatism ye ofuri ufɔk esie.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

ŊWED MBON ROME 5:14

Edi mkpa ɔtɔŋɔ ke Adam ada ubɔŋ tutu osim Moses, akara kpa mmɔ emi mikanamke idiɔk-ŋkpɔ eke ebietde idiɔk-ŋkpɔ Adam; emi edide mbiet Owo oro enyenede ndidi.

MME HEBREW 11:19

sia okonim ete, Abasi ekeme ndisio enye ke otu mme akpa-mkpa nnam enye eset; ndien ke ido ŋke, enye okonyuŋ ɔtɔŋɔ ntak ɔbɔ enye ke mkpa ada.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 13:18

Ebɔŋ akam ebaŋa nnyin; koro nnyin imobure ifiɔk ite, imenyene esit emi mibiomke nnyin ke baba ŋkpɔ kiet, imonyuŋ iyom ndidu uwem nte ɔfɔnde ke kpukpru usuŋ.

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

JOHN 13:9

Simon Peter ete, Enye, Ɔbɔŋ, kuyet mi ukot ikpɔŋ edi, yet mi ubɔk ye ibuot kɔrɔ do.

UTOM MME APOSTLE 8:37

ndien eunuch oro ete, Se mmɔŋ mi; nso ibiɔŋɔ mi ndina baptism?