1 PETER 3:15 - Edisana ñwed Abasi Ibom

¹⁵ edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

1 PETER 3:15 Referans Kwoze

ŊWED MBON COLOSSAE 4:6

Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.

1 PETER 3:2

ke adaŋemi mmɔ ekutde nte mbufo iban enyenede edisana ido ye ndik.

1 SAMUEL 12:7

Mbufo etuak eda, ndien, man ŋkpe ye mbufo ke iso Jehovah mbaŋa kpukpru edinen ŋkpɔ Jehovah oro enye akanamde mbufo ye mme ete mbufo.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

MME HEBREW 6:1

EYAK nnyin ikpɔŋ ndien nditiŋ mbaŋa akpa eritɔŋɔ ukpep-ŋkpɔ Christ, isin idem ibine ifiɔk eke ɔfɔnde ama; ikutɔŋɔ ntak inim ukot ifiɔk ke erikpep mbaŋa erikabare-esit ke utom mkpa,

ŊWED MME PSALM 119:46

Nyenyuŋ ntiŋ mbaŋa uyo fo ke iso ndidem, but idinyuŋ inamke mi.

ŊWED MBON COLOSSAE 1:5

emi otode ke idori-enyin emi ekenimde enɔ mbufo ke heaven, emi mbufo ekebemde iso ekop ebaŋa ke ikɔ akpanikɔ gospel emi okosimde mbufo;

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

1 PETER 3:4

edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

ISAIAH 41:21

Jehovah ɔdɔhɔ, ete, Mbufo eda ikpe mbufo edi; Edidem Jacob ete, Mbufo emen mkpɔsɔŋ ikɔ mbufo esaŋa ekpere.

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

ISAIAH 29:23

Koro ke adaŋemi enye okutde nditɔ esiemɔ, emi ubɔk mi akanamde, ke ufɔt mmɔ, mmɔ eyenim enyiŋ mi ke edisana, eyenyuŋ enim Edisana Abasi Jacob ke edisana, enyuŋ ebak Abasi Israel.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

ISAIAH 5:16

edi Jehovah mme udim okoŋ ke ikpe, enyuŋ ekut ete ke Abasi Ata Edisana asana ke edinen ido.

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

UTOM MME APOSTLE 21:39

Edi Paul ɔdɔhɔ ete, Ndi Jew, nto ke Tarsus ke Cilicia, ndi owo eke ntode ke akwa obio: ndien mmebeŋe nte afo ayak ntiŋ ikɔ ye mbio-obio.

NUMBERS 20:12

Ndien Jehovah ɔdɔhɔ Moses ye Aaron, ete, Koro mbufo mikenimke uyo mi ke akpanikɔ, inyuŋ ikpono mi ke iso nditɔ Israel, mmɔdo mbufo mididaha mme mmɔ emi iduk ke isɔŋ emi nnɔde mmɔ.

NUMBERS 27:14

Kpa nte mbufo emiomde uyo mi ke wilderness Zin, ke ini mbon esop etɔhɔde, ndien mikponoke mi ke ɔtɔ mmɔŋ oro ke iso mmɔ: oro edi mmɔŋ Meribah ke Kadesh ke wilderness Zin.

MME ŊKE 15:28

Esit eti owo otim ekere ndibɔrɔ: edi inua mme idiɔk owo aŋwaŋa mme idiɔk ikɔ.

MME ŊKE 22:21

Man nsian fi nte uyo akpanikɔ ɔsɔŋɔde; man afo ada uyo akpan-ikɔ afiak eketiŋ ɔnɔ andidɔŋ fi utom?

ISAIAH 8:12

ete Mbufo ekudɔhɔ, ete, “Odu,” edian kpukpru ŋkpɔ emi mbio-obio emi edɔhɔde ete, “Odu,” edian enye; ekenyuŋ eyak ndik emi anamde mmɔ anam mbufo, ekunyuŋ enyek.