1 PETER 2:8 - Edisana ñwed Abasi Ibom

⁸ Ye, Itiat utuaha ye akwa itiat eke esinde owo eduɔŋɔ. Mmɔ etuak ukot, koro mmɔ misukke ibuot inɔ ikɔ Abasi; oro onyuŋ edi se inade inɔ mmɔ.

1 PETER 2:8 Referans Kwoze

ISAIAH 8:14

Ndien enye eyedi se ufɔk Israel mbiba enimde ke edisana, ye itiat utuaha, ye akwa itiat eke esinde mmɔ eduɔŋɔ, ye afia ye mfine mme andiduŋ Jerusalem.

1 ŊWED CORINTH 1:23

edi nnyin ikwɔrɔ Christ nte owo emi ekewotde ke cross; ɔwɔrɔ itiat-iduɔ ɔnɔ mme Jew, ye ndisime ikɔ ke enyin mme Gentile;

1 PETER 2:7

Enye ɔsɔŋ urua ke enyin mbufo emi ebuɔtde idem ye Enye; edi ama edi mmɔ emi mibuɔtke idem ye Enye, Itiat emi mme ɔbuɔp-ufɔk ekesinde Amakabare edi Etubom inuk;

ŊWED MBON ROME 9:22

Edi ekpedi nte Abasi, emi onyimede ndiwut iyaresit Esie, ndiyuŋ nnam owo efiɔk odudu Esie, emede anyan ime ye mme eso iyaresit emi enade enɔ nsobo;

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

1 ŊWED THESSALONICA 5:9

Koro Abasi mikonimke nnyin inɔ iyaresit, edi okonim nnyin ete ibɔ erinyaŋa ke Ɔbɔŋ nnyin Jesus Christ;

LUKE 2:34

Simeon onyuŋ ɔdiɔŋ mmɔ, onyuŋ ɔdɔhɔ Mary eka Esie ete, Sese, ema enim Eyen emi, man ediwak owo ke Israel eduɔŋɔ enyuŋ edaha eda; man Enye onyuŋ edi

2 ŊWED CORINTH 2:16

ye mmɔ emi, nte ufik eke ɔkɔrɔde mkpa ke mkpa, ye ye mmɔ eken, nte ufik eke ɔkɔrɔde uwem ke uwem.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

ISAIAH 57:14

ndien owo eyedɔhɔ ete, Mbufo eda ekubi, eda ekubi, ediɔŋ usuŋ, emen ŋkpɔ utuaha-nduɔ ke usuŋ ikɔt mi efep.

ISAIAH 37:26

Nte afo ukokopke? Ŋkanam enye ke eyo oko, ke ini eset, ŋkonyuŋ mbot enye. Ke emi ke nnam enye osu, ndien afo eyedi se idiwuride obio ibibene inam mmɔ edi ndon.

ŊWED MBON GALATIA 5:11

Edi ama edi ami, nditɔ-ete, edieke nsuk ŋkwɔrɔde nte owo akpana mbobi, nsidi ntak eke esinde mi enyin naŋa? Se iyatde owo ke ikɔ cross iduhe aba ndien.

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.

ŊWED JOB 23:14

Koro enye eyenam se ekenimde enɔ mi osu: ndien ediwak oruk ŋkpɔ emi edu ye enye.