1 PETER 2:5 - Edisana ñwed Abasi Ibom

⁵ eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 PETER 2:5 Referans Kwoze

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

1 ŊWED CORINTH 3:9

Koro nnyin isaŋa ikpat kiet idi mme anam-utom Abasi; mbufo edi iŋwaŋ eke Abasi ɔkɔtɔde, edi ufɔk eke Abasi ɔkɔbɔpde.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.

1 ŊWED CORINTH 3:16

Nte mbufo ifiɔkke ite mme imɔ idi temple Abasi, Spirit Abasi onyuŋ oduŋ mme imɔ ke esit?

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

1 ŊWED CORINTH 6:19

Mme nte mbufo ifiɔkke ite, ikpɔhidem mbufo edi temple Edisana Spirit, emi oduŋde mbufo ke esit, kpa Spirit emi mbufo ekebɔde ke ubɔk Abasi?

ŊWED MBON ROME 12:1

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ŊWED MBON PHILIPPI 4:18

Edi mmenyene kpukpru ŋkpɔ uwak-uwak; mmɔyuhɔ, sia mma ŋkɔbɔ enɔ mbufo ke ubɔk Epaphroditus; ata edinem ufuɔŋ ke edi, uwa eke Abasi adarade, onyuŋ enemde Enye esit eti-eti ndibɔ.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

ERIYARARE 3:12

Owo eke akande, nyenam enye edi adaha ke temple Abasi Mi, ndien enye idiwɔrɔke do aba; nyenyuŋ ŋwet enye enyiŋ Abasi Mi ke idem, ye enyiŋ Obio Abasi Mi, kpa obufa Jerusalem, emi otode Abasi Mi ɔsuhɔre ke heaven edi, ye obufa enyiŋ Idem Mi.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

1ŊWED TIMOTHY 3:15

edi edieke mbigide ndidi, ŋwet man afo ɔfiɔk usuŋ nte owo ekpedude uwem ke ufɔk Abasi; emi edide ufɔk odu uwem Abasi, adaha ye isɔŋ eke akpanikɔ Abasi odorode ke esit.

ISAIAH 66:21

Jehovah onyuŋ ɔdɔhɔ ete, Nyeda ndusuk mmɔ nnim ke oku ye mme Levite.

ŊWED MME PSALM 50:23

Owo eke awade uwa ekɔm eyekpono mi: ama onyuŋ edi owo eke otimde ndinim ido, nyewut enye erinyaŋa eke Abasi anyaŋade.

ŊWED MBON COLOSSAE 3:17

Sededi mbufo enyuŋ enamde ke ikɔ ye utom enam kpukpru ke enyiŋ Ɔbɔŋ Jesus, enɔ Ete ekɔm oto ke Enye.

ŊWED MBON PHILIPPI 2:17

Edi edieke eŋwaŋade mi eduɔk ke enyɔŋ uwa eke mbuɔtidem mbufo adade ɔsɔk Abasi, ndat esit nnyuŋ ntiene kpukpru mbufo ndara;

ŊWED MME PSALM 141:2

Yak akam mi ada ke iso fo nte incense; yak umenere ubɔk mi etie nte uwa mbubreyo.

ŊWED MME PSALM 50:14

Wa ekɔm nɔ Abasi;

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

MME ŊKE 9:1

ETI IBUOT ɔmɔbɔp ufɔk esie, ɔmɔsɔi mme adaha esie mbitiaba:

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

1 PETER 4:17

Koro ekem ini nte ikpe editɔŋɔde ke ufɔk Abasi; ndien edieke ikpe ɔtɔŋɔde ye nnyin, nso ididi utit mmɔ emi misukke ibuot inɔ gospel Abasi?

DEUTERONOMY 18:2

Ndien mmɔ ekunyene udeme ke otu nditɔ ete mmɔ: edi Jehovah edi udeme mmɔ, kpa nte enye ɔkɔdɔhɔde mmɔ.

1 NDIDEM 7:11

Ndien ɔsɔŋ-urua itiat eke ekemde idomo nte esɔide mmɔ, ye cedar, edu ke enyɔŋ.