1 PETER 2:11 - Edisana ñwed Abasi Ibom

¹¹ Ndima mi, mmebeŋe mbufo nte oduduŋ ye mbon isaŋ, nte, edianare ekpɔŋ idiɔk udɔŋ obukidem, emi eŋwanade ye ukpɔŋ owo.

1 PETER 2:11 Referans Kwoze

ŊWED MBON GALATIA 5:24

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

1 PETER 4:2

man mbufo ekuda aba ini eke ɔsuhɔde ɔnɔ mbufo ke obukidem esaŋa edu uwem ke mme idiɔk itɔŋ esit owo, edi esaŋa nte uduak Abasi edide.

MME HEBREW 11:13

Mmɔ emi kpukpru ekpaŋa ke mbuɔtidem; mmɔ ibɔhɔ se ekeŋwɔŋɔde enɔ mmɔ, edi eda nsan-nsan ekut, enyuŋ edara mme uŋwɔŋɔ oro, enyuŋ enyime ete mme imɔ idi isen owo ye oduduŋ ke isɔŋ.

ŊWED MBON ROME 8:13

Koro edieke mbufo edude uwem nte obukidem etemede, mbufo enyene ndikpa; edi edieke mbufo edade spirit, mbufo ewot erinam eke obukidem anamde, mbufo eyedu uwem.

1 CHRONICLES 29:15

Ŋkɔm nnyin idi isen owo ke iso fo, ye oduduŋ ke iso fo, nte kpukpru mme ete nnyin: mme usen nnyin ke isɔŋ ebiet mfut, idorenyin inyuŋ iduhe.

JAMES 4:1

EKƆŊ ye eŋwan eto mmɔŋ edu ke otu mbufo? Nte mmɔ itoho ke ŋkpɔ emi, kpa ke mme mbre mbufo, emi eŋwanade ekɔŋ ke ndido mbufo?

2 ŊWED TIMOTHY 2:22

Fehe kpɔŋ mme idiɔk itɔŋ ini uyen, nyuŋ tiene mmɔ eke esemede ekot Ɔbɔŋ ke edisana esit, bine edinen ido, ye mbuɔtidem, ye ima, ye emem.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

ŊWED MBON ROME 12:1

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

ŊWED MBON EPHESUS 4:1

MMƆDO ami, emi ndide owo-ŋkpɔkɔbi ke Ɔbɔŋ, mmekpe mbufo ubɔk, nte, esaŋa nte odotde ikot emi ekokotde mbufo,

ŊWED MBON ROME 7:23

edi ŋkut ibet efen ke mbak idem mi, nte aŋwanade ye ibet eke esit mi amade, onyuŋ adade mi nte ibuotekɔŋ esin ke idak ibet idiɔk-ŋkpɔ emi odude ke mbak idem mi.

UTOM MME APOSTLE 15:29

ete mbufo ebet mme ŋkpɔ eke ewade enɔ ndem, ye iyip, ye unam eke eyiride yiri, enyuŋ etre use; ema ekpeme idem ke ŋkpɔ emi, eyefɔn ye mbufo. Etie suŋ.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

ŊWED MME PSALM 119:19

Ami ndi esen owo ke isɔŋ; kudip mi mbet fo.

ŊWED MME PSALM 39:12

O Jehovah, kop mkpeubɔk mi, nyuŋ kpaŋ utɔŋ ke eseme mi; kudop uyo unɔ mmɔŋeyet mi: koro ami ndide esen owo ye afo, ye oduduŋ, kpa nte kpukpru mme ete mi ekedide.

LEVITICUS 25:23

Ekunyam isɔŋ ke tak-tak: koro isɔŋ edide okimmɔ; koro mbufo edide isen owo ye mme oduduŋ eke eduŋde ye ami.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

UTOM MME APOSTLE 15:20

edi iwet inɔ esɔk mmɔ ite, mmɔ etre ido ndem emi asabare owo, enyuŋ etre use, ekunyuŋ eta unam eke eyiride yiri, ekunyuŋ eta iyip.

GENESIS 47:9

uwem fo edi ifaŋ? Ndien Jacob ɔdɔhɔ Pharaoh ete, Isua emi ndaŋde edi isua ikie ye edip ye duop: isua uwem mi iwakke, mmɔ ediɔk, inyuŋ isimke isua uwem mme ete mi eke mmɔ ekedaŋde.

1 PETER 1:1

PETER, emi edide apostle Jesus Christ, ewet ŋwed emi ɔnɔ esɔk mmɔ emi esuanade eduŋɔ ke Pontus ye Galatia ye Cappadocia ye Asia ye Bithynia;

ŊWED MME PSALM 119:54

Mme ewuhɔ fo edi ikwɔ mi ke ufɔk eke ndaŋde.

GENESIS 23:4

nditɔ Heth, ete, Ami ndi esen ye oduduŋ ke otu mbufo: mbufo enɔ mi itie ubuk owo, nda nnyene ke otu mbufo, man mmen akpa mkpa mi mfep ke iso mi ŋkobuk.

ŊWED MBON EPHESUS 2:19

Mmɔdo ndien mbufo idige aba isen ye oduduŋ, edi edi mbio-mbio kiet ye ikɔt Abasi, enyuŋ edi mbon ufɔk Abasi:

MME HEBREW 6:9

Edi ndima, imonim ite ŋkpɔ efɔn ekan oro ye mbufo, eyenyuŋ ewɔrɔ erinyaŋa, okposuk edi nte itiŋde ntem.

1 PETER 4:12

Ndima, ekuyik ikaŋ-ikaŋ idomo eke odude ke otu mbufo, eke etienede mbufo man edomo mbufo efiɔk, nte edide utibe ŋkpɔ ɔwɔrɔ mbufo.

2 PETER 3:1

NDIMA, emi edi udiana-akpa ŋwed emi ŋwetde nnɔ esɔk mbufo; ndien ke mmɔ mbiba ndemere edideŋi esit mbufo ke eriti ikɔ;

GENESIS 21:34

Jehovah, Nsinsi Abasi, do. Ndien Abraham adaŋ ke idut mme Philistine ediwak usen.

LEVITICUS 15:18

Ndien adaŋemi erenowo adade ŋkpɔ oro adaŋ ye ŋwan, yak mmɔ enyuŋ eyet idem mmɔ ke mmɔŋ, ndien edehe tutu osim mbubreyo.